Free Web Submission http://addurl.nu FreeWebSubmission.com Software Directory www britain directory com education Visit Timeshares Earn free bitcoin http://www.visitorsdetails.com CAPTAIN TAREK DREAM: حملة تمرد المملكه المتحدة

Wednesday, June 5, 2013

حملة تمرد المملكه المتحدة

حملة تمرد الأن ولأول مره في شوارع لندن :)

محلات...مطاعم...قهاوي...في كل مكان

احنا كنا عاملين رهان بين أعضاء الحملة،
واحد قال هانمضدي ٥ أشخاص...
والثاني قال ٧...
وانا مدخلتش الرهان عشان محبطهمش، مش عارف ليه كنت حاسس إن أعضاء الحملة بس هما اللي هيمضوا بجد والله هههههه

واللي كسب الرهان "فادي" هو كان أقرب واحد، مبروك يا عم فادي :)
عارفين "فادي" قال كام واحنا جمعنا كام؟
.
.
.
فادي قال ١٠ واحنا في أول ساعتين ونص جمعنا ٤٣ :) :) :)

أول مره أعرف إن الشعب مؤيد لرئيسه بشكل ده!! بصراحة أنا كنت مذهول!!

الناس كانت بتدور علينا وتنادينا...تعالو أقعدوا معانا، انتو فين من زمان...اتأخرتوا علينا كتير.....

أغلب المحلات أخذت استمارات زيادة وقالت لنا تعلوا استلموها بكرة وهنمضدي الزباين اللي يجولنا :)

نشكر محل فوتو فيديو في إدجور رود صورلنا ٢٠٠ استماره :)
صيدلية طلبت عدم ذكر اسمها وعدتنا انها هتمضي أكثر من ٥٠ شخص وهنروح بكرة نستلمهم.

بعد كدة إتعشينا في مطعم "أهل كايرو" مطعم "١٠٠ ١٠٠ سابقاً" وأخد ٥٠ إستمارة زيادة وهنستلمها ممضية منه بكرة إن شاء الله :)

بجد إحساس رائع لما تشوف الناس عطشانة تمرد وانت تسقيهم :)

اليوم الاول 3-6-2013
































اليوم الثانى 4-6-2013

اليوم الثاني: شفيق والبنبوني :)

أسميناه يوم شفيق والبنبوني عشان ذهبنا للحديقة المفضلة لشفيق وهي حديقة الهايد بارك بلندن

وكان بداية ليوم جميل ومشمس جداً وكله فيتامين دي، شاحح عندنا في عاصمة الضباب :(

أول مدخلنا لاقينه سيارة الشرطة ووقفونا علطول..... تقول شفيق مبلغ علينا !! بركاتك يا شيخ شفيق!!
وبكل احترام وبعد التحية بابتسامة..... انتو داخلين تعملوه أيه؟

أحنا: شرحناله كل حاجة بالتفصيل وكان ينصت لنا جيداً
البوليس: معاكم تصريح بذلك؟
أحنا: لأ
البوليس: أعطى لنا رقم تيلفون الحديقة لإخراج تصريح
أحنا: طيب ممكن تشرح لنا لماذا تريد تصريح
البوليس: دي حديقة مالكيه، ولا تتبع قوانين الحدائق الأخرى العامة لذا يجب إخراج تصريح، أما في الحدائق العامة تستطيع فعل ذلك بدون تصريح.
يوم الأحد يمكنك فعل ذلك بدون تصريح في المنطقة المحددة داخل الحديقة "سبيكرس كورنر" Speakers’ Corner
أحنا: طيب ممكن نتصور مع الاستمارات داخل الحديقة؟
البوليس: نعم، لكن لابد أن يكون التصوير ليس وراءه أي منفعه مادية
أحنا: شكراً لوقتك ونتمنى لكم يوم سعيد
البوليس: وأنتم كذلك، تمتعوا بيوم مشمس

هذه المنقاشه بيننا وبين الشرطة توضح معنى كلمة "انسان"

تخيل لو دة كان في مصر، نتخيل سوا؟
البوليس: يلا يالة إنت وهو من هنا
أحنا: ليه؟
البوليس: ليه أيه يا أبن ال............
أحنا: أجري يلاااااااااااااااا
خلصت

المهم، ذهبنا لأماكن كثيرة اليوم :)
Hayed Park – Queensway - Queensway Market - Westbourne Grove - Porchester Road - Bishop's Bridge Road – Paddington - Praed Street - Edgware Road
٨ ساعات متواصلة وبدون توقف :)

انضم إلينا اليوم عضو جديد - الحج أحمد :)

فيه ناس كتيرة مضت أمس واليوم بس محبتش تتصور

لو تحب تشترك وتنزل معنا شوارع لندن، إبعتلنا على الإنبوكس بس فيه شرط، حفاظاً على ترابط المجموعة لا نقبل عضو جديد كان سابقاً أو حالياً مؤيد للأخوان أو العسكر أو شفيق أو مبارك.. من الأخر احنا مجموعة ميعجبهاش العجب ولا الصيام في رجب SORRY

توضيح:
هنا في إنجلترا عندنا ناس أيه تعجبكم، كل ألوان الطيف يا معلم، يعني ممكن يكون مع شفيق الصبح وتحس إنه من أقزام "احنا اسفين يا حمار" والمغرب أمام السفارة تلاقي الواد من دول تفتكره أحمد دومة بقدرة قادر!!
أغلب اللي عايش هنا وناشط هيعرف أنا بتكلم على أيه وعلى مين.

أترككم مع الصور...ماتنسوش شير وليك وحركات :)



































للتواصل مع أعضاء الحملة للمصريين المقيمين بالمملكة المتحدة رجاء زيارة الصفحة الرسمية


وللتوقيع على الاستمارة الاليكترونية للمغتربين بالخارج من المصريين على اللينك التالى

No comments:

Post a Comment

Note: Only a member of this blog may post a comment.