مين اللى قتل أحمد محمود ؟

تحذير : بخصوص صورة الجثة فى أخر النوت

 1. الساعة 10 الصبح يوم السبت 17 ديسمبر خرج أحمد حمود من بيته ومرجعش تانى .. أهله راحو يقدمو بلاغ فى قسم دار السلام لكنهم رفضو قبل 4 أيام ، أهله دورو عليه فى مستشفى القصر العينى ومستشفى المنيرة وقسم شرطة قصر النيل ومشرحة زينهم ، وتم عرض عليهم جثث المجهولين ولكنه مكنش واحد منهم ، أهله مسكتوش وفضلو طول الوقت بيترددو على منطقة ميدان التحرير وشارع القصر العينى ومشرحة ذينهك وعملو اكثر من بلاغ فى مبنى وزارة الداخلية 

. 2. يوم 13 يناير أهله راحو يدورو عليه فى إسكندرية بعد معرفو أن فى شباب بيشتغلو بالإكراه فى منطقة الشاطبى ، راحو ومكنش واحد نهم ، وبعدها قدم بلاغ لنجدة إسكندرية وراح مديرية أمن إسكندرية ومكنش برضه من المفقودين

. 3. يوم 14 يناير جالهم إتصال من قسم دار السلام بالعثور على جثة بنفس المواصفات وهى فى مشرحة زينهم ، لما راحو المشرحة مكنتش هى جثة أحمد ، عامل المشرحة "رجب" قال لأمه أن فى جثة تانية بترينج أبيض وفعلا كانت هى جثة أحمد اللى أمه أتعرفت عليه .. أحمد عنيه مكنتش موجودة ولما سألو مدير الوحدة قالهم دى إتحللت فى المية ، أحمد كان فى جرح كبير وغريب فى رفبته ، لما سأل على سببه ، رد "رجب" بأنه وهو بيفتح الجثة غلط وعوره !! عامل المشرحة هو اللى بيفتح الجثة وبالشكل اللى هتشوفوه فى الصور ده !! الدكاترة قالو لأحمد أنه جه المشرحة يوم 22 ديسمبر وكان متوفى قبلها بأيام 

.4. يوم 15 يناير راحو  لقسم قصر النيل بناء على كلام "رجب" وكان معاهم صورة المحضر وقالولهم فى القسم أنه عثر على أخوهم يوم 22 ديسمبر  "غريق" فى منطقة كوبرى قصر النيل وأنهم لازم يروحو نيابة قصر النيل بمحكمة عابدين ، راحو فعلا وسألو رئيس النيابة عن سر إختفاء الجثة طول الوقت مع أنها فى مشرحة زينهم من يوم 22 ديسمبر ، مع أنهم راحو سألو فى المشرحة أكتر من 3 مرات من ساعة إختفاءه ، رئيس النيابة مكنش عنده رد ، وقالهم أخوكم لازم يتدفن دلوقتى .. أخو أحمد رفض وأصر يقدم بلاغ يتهم فيه الحكومة بقتل أحمد .. لكن رئيس النيابة رفض كتابة الإتهام ده ، بل أنه لما قاله على الجرح الغريب فى رقبته رد عليه بأنه أعطى أوامر التشريح وأنه مستنين تقرير الطب الشرعى فى خلال شهر ونص أو شهرين ولو فى جديد هيطلعو الجثة تانى ويشرحوها ولو عايز تعمل إثبات حالة أعمل محضر فى قسم قصر النيل ، وبالفعل تم عمل المحضر ده 

# ملحوظات هامة

.1. أحمد نزل التحرير أكتر من مرة فى المعارك ، بل أن محمد أخوه كان دائم النزول يمكن أكتر منه .. السبت اللى أحمد إختفى فيه هو هو يوم السبت  17 ديسمبر اللى إقتحم فيه الجيش ميدان التحرير وطارد المتظاهرين لكوبرى قصر النيل ، بل فى شهادات أن الجنود ألقو بالمتظاهرين فى النيل كما فى ماسبيرو ، ومش بعيد يكون أخوه نزل التحرير لما شاف السحل والضرب فنزل واتحدف فى النيل " 

. 2. فى شبهة تواطئ فى المشرحة لأن جثة أحمد موجودة هناك من يوم 22 ديسمبر ورغم كدة لما أهله راحو سألو كذا مرة هناك متعرضش عليهم ، بل أن أهل أحمد مش مقتنعين بموضوع أن عين أحمد تتحلل فى المية واللى يأكد شكهم ده الجرح الغريب فى رقبة أحمد ، وأنهم أخفو الجثة طول الوقت ده ، هدوم أحمد كانت مليانة دم لحظة إستلام أهله له رغم أنه فضل غرقه!!

. 3. مدير الوحدة وهو بيبلغ وزارة الصحة بالجثة قالو لهم " من ضحايا أحداث مجلس الوزراء" ، وقام قال لمحمد أخو أحمد أنا بخدمك أهو" بالحرف الواحد

. 4. يوم 13 يناير لما اتصلو بأهل  أحمد ، وعرضو عليهم جثة كانت كثة لغريق أخر من نفس اليوم ومطلعش أحمد فى الأخر !! 

أخيرا .. أحمد واحد من الالاف الشباب اللى بينزلو الميدان ساعة الخطر عشان يدافع عن المتظاهرين ، فى كل مرة كان بيعمل زى جزء كبير مننا ومبياخدش محفظته ولا بطاقته معاه .. ومش معنى أنه مقالش لأهله هو رايح فين ميبقاش نازل التحرير .. قضية أحمد الخطير فيها مش أنه يكون قوات الجيش رمت فى النيل ، الخطير أن المشرحة تخفى جثة 3 أسابيع رغم أن أهله عرضو عليهم الجثث أكتر من مرة ، كتير من النشطاء أتكلمو فى التلاعب فى المشرحةوالتواطئ هناك ، والمرة دى لازم نشك ونفتح الملف بتاع تعامل المشرحة مع المجهولين والمفقودين .. واللى واضح أنه عبثى جدا لدرجة أن عامل مشرح يفتح جثة بالشكل ده !!!أهل أحمد عايزين يعرفو هو مات إزاى .. وإحنا بنشاركهم السؤال .. لكننا بنزود أسئلتنا بخصوص المشرحة أيضا ، وإزاى نقدر نتأكد أنه مخدوش عين أحمد زى محصل مع رضا عبد العزيز فى القصر العينى  ؟؟أنشر القضية وعرف الناس باللى حصل لمواطن مصرى .. أتكلم عنه وعرف كل الناس .. فى مواطن مات غرقان وعينيه إختفت وخفوه عن أهله 3 أسابيع .. خالد سعيد ركز الضوء على الطب الشرعى ، وأحمد محمود بيركز الضوء على مشرحة زينهم .

 صورة الشهيد أحمد محمود   

صور الجرح الغريب اللى جمب الرقبة ، اللى عم رجب قاله معلش عورته غصب عنى  

صورة الجثة والعينين

 مختفية ، وجرح غريب فى الفكshare