النهاردة يوم مش عادي
النهاردة يوم كان المفروض ليه ترتيبات خاصة
زينة و انوار و زغاريد و ناس بتبارك و تهني
النهاردة كان المفروض يكون كتب كتابنا
النهاردة كان المفروض يكون اسعد يوم في حياتي
النهاردة كنت هابقى حرم النقيب محمد صفوت حرب
و زي دلوقتي المأذون قاعد و الناس كلها بتردد و راه
" بارك الله لهما و بارك عليهما و جمع بينهما في خير "
بس الواقع ان كل الناس دلوقتي و في صوت واحد بتردد ربنا "يرحمك يا محمد ربنا يرحمك و يغفرلك يا عريس الجنة "
حسبي الله و نعم الوكيل
حسبي الله و نعم الوكيل
حسبي الله و نعم الوكيل
ربنا ينتقم من كل اللي كان سبب في انه يموت فرحتنا و يموت الحلم اللي عاش جوانا 11 شهر و كنا منتظرينه يتحقق
ربنا يجمعني بيك يا محمد في جنته ان شاء الله
مش هتخسر حاجه لو قلت الله يرحمه
الشهيد النقيب محمد صفوت حرب
No comments:
Post a Comment
Note: Only a member of this blog may post a comment.