" عُباده "
عُباده معيد في كلية هندسه , وكل الطلبه بيحبوه , وانسان متفوّق وشاطر واخلاقه عاليه جدا , واسألوا اهل منطقته عليه
عُباده كان نازل يجيب " برّايه " من المكتبه الي تحت بيتهم عشان يعرف يبري القلم , الشرطه المفتريه مسكته ....
والسكاكين الي مسكوها مع عُباده دي مش اسلحه ... دي عُباده كان بيبري بيها الاقلام الرصاص .. والشرطه المفتريه لفقتها له على انها اسلحه
و عُباده بيحب جيش بلده وكان محتفظ بلبس جيش بلده عنده في البيت عشان يفتكر تضحيات جيش بلده كل لما يبص عليه ..
وفرد الخرطوش والطبنجه دول كانوا من ايام اللجان الشعبيه في 2011.. عُباده لقى طفله في الشارع بيغتصبها بلطجيه متوحشين يوم 28 يناير , قام قتلهم بقبضة ايده دفاعا عن الحق واخد اسلحتهم ومن يوميها وهمّا عنده ولكن همّا مش بتوعه ...
يا شرطه يا مفتريه .. عُباده مش ارهابي
______________________
بوست تخيّلي من داخل عقليه اخوانيه ______________________
المعلومات الحقيقيه عن المتهم :
الاسم :جمال عبدالعظيم عبدالعظيم
السن :39 سنه
الوظيفه: عاطل
الحاله الجنائيه: مسجّل
تم القبض عليه في الاسكندريه في منزله بعد عدة بلاغات ضده
No comments:
Post a Comment
Note: Only a member of this blog may post a comment.