اتهم نشطاء على موقع التواصل الاجتماعي فيس بوك شركة توشيبا العربي بجمع توقيعات لحملة تجرد التي أطلقها إسلاميون لمواجهة حملة تمرد التي تدعو المصريين للتوقيع على بيانات بسحب الثقة من الرئيس محمد مرسي. وحكي أحد النشطاء ما حدث له عندما ذهب لتوشيبا العربي لشراء مروحة، ووجد كل الموظفين ملتحين، وسرد كيف طلب منه أحدهم بطاقة الرقم القومي بحجة عمل ضمان، وهو ما رفضه، ليضطر الموظف لإطلاعه على قائمة كبيرة بزبائن سجلوا الرقم القومى الخاص بهم. وجاءت شهادة الناشط عبر صفحته الشخصية على موقع "فيسبوك" كالآتي:
"من يومين كُنت في معرض توشيبا العربي فرع شبرا ولاحظت إن كل الموظفين في المعرض دقنهم مترين قدام ونظرات غليظة منهم وحسيت إني جوه مقر من مقرات التوحيد والنور أو الحرية والعدالة،المهم إنِّي كنت بشتري مروحة بكلام فارغ ورحت لعم الشيخ الموظف يعملي الإيصال فوجئت بيه بيقولي هات البطاقة...!
قولتله بطاقة إيه؟!!
قالي الرقم القومي.!
طيب ليه؟!!
رد عشان حقك في الضمان يا أستاذ.
قولتله دي مروحة بـ٢٠٠ جنيه تاخد بطاقتي بتاع إيه، ثم إن الضمان ماشي بقسيمة الضمان والإسم والفاتورة وخلاص.
رد وقالي ده نظام جديد وأي حد بيشتري مننا بناخد منه البيانات دي وفتحلي دفتر "كارِثي" فيه الإسم رباعي والرقم القومي والعنوان...!
أنا شوفته تنحت وجه في بالي فورا قواعد بيانات الناخبين والإستمارت المسودة وحملة تجرد بتاعتهم.قمت دخلت في الراجل شمال وخدو مني إللي فيه النصيب.الراجل إرتبك وجاب ورا ولم نفسه وقالي خلاص بلاش وهاخد الإسم بس وإدتهوله ثنائي وقولتله كفاية الفاتورة والضمان.تخيلوا فيه كام فرع توشيبا العربي في مصر وكام مصري بيشتري منهم يوميًا وكام رقم قومي بيتسجل وكام حق بيتسرق"
No comments:
Post a Comment
Note: Only a member of this blog may post a comment.