الشهيد /محمد ابو شقره " الانسان الذى لايعرفه أحد "
محمد ابوشقره من اكفأ 10 ضباط فى كل جهاز الشرطه
محمد ابوشقره فى هذا المنصب الهام وراكب سياره 128 موديل 1982
محمد ابوشقره فى يوم الطفل اليتيم الى فات كان فى السيرك بيتنطط مع الاطفال عشان يسعدهم
محمد ابوشقره فى حفل 100 طفل يتيم فى مدينه الانتاج كان بياخد الاطفال الايتام يدخلهم الحمام ويرجعهم
محمد ابوشقره فى يوم القافله الطبيه فى عزبه الهجانه كان بيشتغل تمرجي بيدخل الفقراء لغرف الكشف
محمد ابوشقره فى شهر رمضان الى فات بيشيل على قلبه شنط رمضان وبيخبط على الناس في بيوتهم عشان يوصلهم الحاجات
محمد ابوشقره لسه راجع من عمره
محمد ابوشقره اغلب اصدقائي كانوا عارفين انه مدرس تربيه رياضيه عشان يتحرك براحته فى الجولات الانسانيه
محمد ابوشقره لما كان بيروح لدور المسنين يقعد فى الارض ويأكلهم بايده
محمد ابوشقره من سنه كان شغال اربع ايام متتاليه ونام وهو مروح واتقلبت بيه السياره فى طريق المطار (بيشتغل بجد) عشان مصر
محمد ابوشقره الى كان بيزق السيارات تحت البيت مع البواب لما يلاقى حد مش عارف يخرج سيارته
محمد ابوشقره الى تتصل بيه وهو نايم فى الفجر وتقوله محتاجلك تلاقيه فى ثواني امامك وهو مبتسم
محمد ابوشقره كان بيعشق تراب البلد دي
محمد ابوشقره لما كان فى الاردن فى تدريبات تفوق على 120 ضابط من كل انحاء الدنيا
محمد ابوشقره اصيب كثير فى عمليات كثيره ولكنها كانت تشد من قوته
محمد ابوشقره الذى قال عنه الرئيس جيمي كارتر من شهرين اثناء تأمينه "ليتك كنت امريكي"
محمد ابوشقره أب ولم يتزوج فهو يكفل طفل يتيم وكان وعده للطفل (انا هخليك ضابط لما تكبر) بس يا عبدالله ابوك مات خلاص.
محمد ابوشقره دموعه تتسارع لاى موقف انساني يجده كطفل فى العاشره
محمد ابوشقره المسمى بالشبح من ارهابي الوطن والمطلوب الاول منهم رغم صغر عمره.
محمد ابوشقره كان مطلوب اختطافه لا تصفيته ولكن يأبى الا ان يقاتلهم دفاعا عن مصر
محمد ابوشقره تم تصفيته بعشر أوسمه فى صدره وجانبه الايمن
محمد ابوشقره لم يغسل وكفن كما هو بدماؤه
فى الجنة يا شهيد باذن الله....
No comments:
Post a Comment
Note: Only a member of this blog may post a comment.