مره واحد اسمة فتحي راح اشتغل صبى عند ميكانيكى
وفى يوم قال لصاحب الورشة انا اعرف رئيس الحى
صاحب الورشة مصدقهوش لكن بعد يومين مر رئيس الحى قدام
الورشة وسلم على فتحي سلام حار جدا
صاحب الورشة اعجب بفتحي وشغله اسطى فى الورشة
... وبعد يومين فتحي قال لصاحب الورشة انا اعرف الوزير قال له لا صعبة جدا
وفعلا بعد يومين مر الوزير قدام الورشة وسلم على فتحي
صاحب الورشة اتجنن وقال لفتحي يابنى انا هجوزك بنتى وتمسك الورشة مكانى
وبعد يومين قال فتحي لصاحب الورشة انا اعرف أوباما
ولكن صاحب الورشة قال بلاش تضحك علي دى واسعه
فتحي قاله تعال نسافر وانا اعرفك
وفعلا سافروا أمريكا ووقفوا امام البيت الابيض وفتحي قال شوف الشباك الابيض
حأطلع بعد شوية انا وأوباما ونقول لك هاى
وفعلا فتحي طلع هو وأوباما
بعد خمس دقائق صاحب الورشة اغمى علية وراح المستشفى
ولما فاق سألة فتحي ليه اغمى عليك علشان شفتنى انا وأوباما
صاحب الورشة قال
لا
انا اغمى علي مش علشان انت وأوباما واقفين فى الشباك قاله امال اغمى عليك ليه قاله عشان
عدى من قدامى اثنين امريكان بيسألونى مين اللي واقف جنب فتحي
No comments:
Post a Comment
Note: Only a member of this blog may post a comment.