*.*مبروك لمصر*.*
صباحكم فل ويومكم سعيد
النهاردة حقيقى يوم تاريخى..يوم لم تراه عين مصرى أو عربى منذ ترشيح زعيم الامه العربية جمال عبد الناصر اللى شائت الظروف أن يكون يوم عرس الاستفتاء المصرى هو يوم مولده 15 يناير
ستات وفتيات وأطفال نزلوا غنوا ورقصوا وفرحوا بالاعلام فى الشوارع.مرضى نزلوا بأسطوانات الاكسجين..مقعدين نزلوا بالكراسى المتحركة..وأطفال نزلوا ببدلة ضباط شرطة وجيش ولونوا وشوشهم بعلم مصر
كانوا فاكرين برة أو جوة أو اللى حوالينا أن بلد ذكرت وكرمت فى كل الكتب السماوية ممكن حد يضرها؟؟
أو حتى يؤذى أهلها؟؟
صفعة بالقدم ومش باليد على وجه كل من خان وباع ولو بالكلمة.صفعة على وجه تركيا وقطر وأمريكا واليد الخبيثة الحقيرة لحماس والتنظيم الدولى للأخوان فى كل مكان...
باى باى..ومعتقلات بقى
ونقول كمان....
الحكاية ف كلمتين ..أحنا وأنتو دى أنتهت
هى قصة يا عم الزين....أن جماعتكوا أتمحت
من التاريخ ومن حياتنا...ومن السياسة للأبد
كفاية حقد كفاية غل كفاية مليتوا البلد
العلم اللى قلبتوه وحرقتوه ووضعتوا عليه شعار ماسونى يهودى حقير مكان النسر المغوار ودستوا عليه بالاقدام بيلف حوالين عريكم وفضيحتكم دلوقتى وبيستركم وأنتم مفضوحين عريانين..
هو هو نفس العلم وهى هى نفس البلد...
هااااااااااا يا ترى حاسين بأيه...
حاسين بالمهانة والحقارة والمزلة وقد ايه اتضحك عليكم بقرشين ولا بوعد ولا بزجاجة زيت وسكر ولا كيلوا لحمة؟؟؟؟
يا ترى خيبتكم القوية حتكون شكلها أيه أمام الناس؟؟؟؟
ادخلوها سالمين كانت قرأن نزل من رب العالمين يا زوات الاربع زى ما أنتوا رافعينها كدة بالصوابع
انزلوا مصر فأن لكم ما سألتم كانت أية من العليم الخبير رب العرش العظيم عز وجل...
يا ترى مسحتوها؟؟؟؟
يا ترى القرأن ضاع؟؟؟
يا ترى الاسلام قل؟؟؟
يا ترى المسيحية أنتهت؟؟؟؟
يا ترى بسببكم الناس حبت الاسلام؟؟؟؟؟
يا ترى طبقتوا مبدأ واحد من الدين اللى بيتبيعوه وبتتاجروا بيه وبتتمسحوا فيه؟؟؟
مصر الجميلة عروس النيل رجعت لأهلها والنسر لسة بيرفرف على علمها
الكبير والصغير كان نازل يطردكم منها بحجة أنه نازل للدستور...
قد ايه كنتم مغلولين وحاقدين وشكلكم وحش وريحتكم أوحش..
أنا حاسس أنتم حاسين بأيه...
لكن الفرصة مازالت موجودة وقائمة علشانكم لأخر مرة..
مصر عمرها ما ضحت بأولادها حتى اللى أهانوها....
ربما بيغفر وبيسامح..ومصر البهية الأبية بتسامح ولادها وبتاخدهم تانى لحضنها...فوقوا بقى....
يا أما تكونوا مصريين يا أما أهلا وسهلا بيكم وأنتم شايلين راية (السجن اصلاح وتهذيب) ده غير اللى حيجرب حبل حوالين رقبته يموت خائن ملعون باليد اللى رفعها فى وش اهله وأهل بلده وخانهم وباعهم وداس علمهم
داين ...تدان زى ما قتلت ستقتل وزى ما عزبت ستعزب وزى ما حرمت طفل من ابوه ستحرم من اعز ما لديك وزى ما رملت أمرأة أو قتلت قلب أم وذبحت أبنها أو ضيعت عمود بيت أى أسرة سوف يردها الزمن لك فى أعز ما لديك..
هو مات شهيد فى الجنة وانت حتعيش ملعون من السماء والأرض دنيا وأخرة ...
خلى الفلوس تنفعك...
مفكرتش وانت بتبيع البلد اللى خيرها عليك؟؟؟...
مفيش ولا حاجة حلوة من يوم ما أتولدت تخليك ترحمها وترحم أهلها؟؟؟..
دين أبوكم أسموا أيه؟؟؟؟؟..
صدقنى دائن ..تدان
ودى حكمة الايام وأن لم ترض بقضائى فأهرب من تحت سمائى
شفت المسيحى والمسلم بيبوسو بعض ويرقصوا
شفت اصحاب المحلات اللى مش بنزلوا الا الظهر يفتحوا المحلات نازلين من الفجر علشان التصويت
شفت الأرامل وأمهات الشهداء وكبار السن والمرضى وكل مصر فرحانين
شفت تانى المسيحية والمسلمة بيحضنوا بعض بقوة فى الشوارع بدون خوف
شفت رنات أجراس الكنائس مع أصوات الأذان
شفت مسيحيين قالوا لو هدموا الكنائس حنصلى فى المساجد
شفت شيخ الازهر من تانى بيبوس البابا
شفت جيش بلادى وشرطة بلادى لابسة ومتزينة ومنورة نازله تحمى الكل فى الشوارع وخير أجناد الارض بيأمنوهم ويحموهم وبيساعدوا المرضى وكبار السن وبيلعبوا مع الاطفال
شفت حفلة عروس وليلة حنة وأعياد ميلاد وكريسماس وعيد فطر وعيد أضحى وعيد ميلاد مجيد فى 24 ساعة فى مكان واحد فى بلد واحدة اسمها أرض الكنانة ...
كانت أحلى عروسة....
طبعا....
مش عروس النيل
No comments:
Post a Comment
Note: Only a member of this blog may post a comment.