اغنية كشف حساب ال 100يوم للرئيس مرسي

اصحى يا مرسى و صحى النوم .... عدوا و فاتوا ال 100 يوم
اصحى يا مرسى بلاش تهجيص .... احنا زهقنا من الترقيص
مشروع نهضه طلع فنكوش .... و ال 100 يوم كانوا حلق حوش
100 يوم خلوا العيشه تييييت .... مرسى بيجي مصر ترانزيت
بيب بيب بيب بيب
100 يوم مش لاقييين انابيب
الانبوبه ب 100 جنيه
الغلابه هيعملوا ايه
و البنزين ولا السولار
الطوابير من دار ل نار
غنى علينا بناى و كمنجه
ساب الباميه و قال على المانجه
يا مرسى فى بيتكوا بتطبخوا ايه .... 100 يوم قوطه ب 10 جنيه
يا مرسى فى بيتكوا بتشوو فراخ .... 100 يوم عيش دوخنا و داخ
100 يوم عيش دوخنا و داخ
يا مرسى فى بيتكوا بتعملوا لحمه ؟؟
100 يوم عدوا ما شوفنا الرحمه
حد ادنى للاجور
مطلب ثوار مع جمهور
مرسى يا مرسى يا مرسى يا مرسى
يا العداله يا اما الكرسى
احكى يا مرسى على المرور
لف يا مرسى علينا و دور
لا لا و لا لا و لا لا .... احكى يا مرسى عن الزباله
و احكى كمان على سيناء كتيير .... على الارهاب و على التهجير
قال هيجيب حق التحرير
كرم عنان و المشير
قال هيوازن التأسيسيه
100 يوم عدوا و خيبه قويه
قال هيهكل فى الداخليه
و الداخليه هي هي
قال هيجيب ديموقراطيه
ساب جماعته مش قانونيه
قال جاى يحكم بإسم الدين
ساب اخواتنا فى الزنازين
قال هيجيبلنا هيبه الدوله
100 يوم شايفين خيبه الدوله
قال مش جاى بقميص و حراسه
ناقص يمشى معاه قناصه
الجرافيتى ... و دانيال
100 يوم خلوا العيشه شمال
اخون اخون فيها كمان .... 100 يوم بيعين اخوان
هتحقق فى محمد محمود .... حق اخواتنا اكيد هيعود
القصر العينى
و فى ماسبيرو
القصاص و مفيش حاجه غيره
حق الاولتراس راجع راجع
100 يوم عدوا الم و مواجع
مرسى يا مرسى يا مرسى يا مرسى
ثوره و قامت للحريه
و العداله الاجتماعيه
انا مش خايف زى زمان
لسه الثوره فى كل مكان
لو ضربونا فى الشوارع .... صوت الثوره طالع طالع
لو مسكونا فى البيوت .... بردوا الثوره مش هتموت
على فى سور السجن و على .... بكره الثوره تشيل ما تخلى
على يا مرسى كمان و كمان .... بكره نشيل و الزور هيبان
على يا مرسى كمان و كمان ....صوت الثوره فى كل مكان
على يا مرسى كمان و كمان ....صوت الثوره فى كل مكان

للنحميل من هنا

http://www.mediafire.com/?yha0k6fyhijy56w