بعد أن ظهرت «الفنانة» دوللي شاهين بملابس ساخنة خلال إحياء حفل مهرجان الغردقة السياحى الدولى، وظهر في خلفية الحفل شعار حزب الحرية العدالة بالبحر الأحمر باعتباره أحد الرعاة.. السلفيون «يعايرون» الإخوان.. والإخوان يردون «المعايرة» بمناخير البلكيمي وفضائح ونيس الجنسية!!
كتبت صفحة "كان فين أبو إسماعيل قبل الثورة":
نقاش هادئ:
طب الإخوان انسحبوا من الحفلة لما لقوا دوللي شاهين .. هنا وجب السؤال:-
١- إزاي مكنوش يعرفوا والموضوع معلن عنه من عدة أيام؟؟
٢- لما عرفوا إنها جاية من عدة أيام ليه ملغوش الحفل؟؟
٣- دلوقتي دوللي طلعت غنت بملابس فاضحة ووراها لوجو حزب الحرية والعدالة فهل ممكن حزب الحرية والعدالة ينزل بيان يتبرأ من الحفل وده هو الواجب عليهم لأنهم حزب حمل اسم الإسلام.
ودفع ما كتبته صفحة "كان فين أبو إسماعيل قبل الثورة" الصفحة الإخوانية "احنا شباب الإخوان اعرفنا الصح" للرد، وكتبت الصفحة غاضبة: توقيت غبى من صفحة غبية للهجوم على الاخوان فى وقت غبى صفحة اسمها " كان فين ابو اسماعيل قبل الثورة..
وبعد أن حاول أعضاء الصفحة إيجاد مبررات للصفحة السلفية، بأنه تم سرقتها، كتبت صفحة شباب الإخوان:
صفحة كان فين ابو اسماعيل قبل الثورة ..... لم تسرق ... لم تسرق
ولكن يظهر بيشوهوا صورة الاخوان لصالح تحالف الوطن الحر .. لعب سياسة وانتخابات .. قذارة انتخابية يعنى .. وبتردد كلام اعداء الاخوان زى مثلا كذابين ومنافقين وتجار دين ومتلونين .. وشغل اطلعوا من الصفحة .. وحجات كده .
بس احنا للاسف اذا لم تتراجع الصفحة عن هذا السيناريو فى حين ان الشيخ حازم " لم يرحب بهذا السيناريو التشويهى للتيارات الاسلامية الاخرى"..
وكتبت الصفحة الإخوانية: بنقول بس لاخواننا السلفيين اللي بيزيطوا في موضوع دوللي.. لما النائب المحترم بتاعكم البلكيمي.. والنائب المحترم ونيس.. وموضوع التحرش الجنسي وموضوع المناخير.. كنا ممكن نقول نائب سلفي يتحرش واحدة ونعمل زي ما انتم بتعملوا دلوقتي.. فياريت تتقوا الله شوية بقى.. لأن فاض الكيل منكم بقى.
No comments:
Post a Comment
Note: Only a member of this blog may post a comment.