تهمتهم انهم مسيحين
اه والله العظيم التهمة اللي اتقتلوا بسببها انهم مسيحين "الصورة من مذبحة الخصوص"
شوف كام صفحة في الفيس بوك سعيدة باختراق مواقع إسرائيلية ؟! كل الصفحات عاملين فرح عشان نصر مزيف هيخلي اسرائيل تضاعف ميزانية البحث العلمي عشان تأمين مواقعها الالكترونية .. و لو خسروا دولار واحد بسبب الاختراق هيدفعوه للشعوب العربية أضعاف و هما عارفين كويس أزاي يدفعونا تمن خسائرهم لأن بلدهم مبنيه على العلم .. ٤،٧ % من دخل اسرائيل القومي ينفق على البحث العلمي بما يعادل ٤,٨ مليار دولار سنويا بحسب إحصائيات ٢٠١١ .. يعني الانفاق على البحث العلمي في اسرائيل خلال سنة واحدة يعادل القرض اللي بنشحته من صندوق النقد الدولي عشان نأكل عيش و نسدد قيمته على عشرات السنين ...
معظم الصفحات منشروش حاجة عن جريمة تطهير عرقي و عقاب جماعي حصلت في مواطنين "مصريين" تهمتهم انهم مسيحيين بس فرحانين قوي باختراق مواقع إسرائيلية منها تم اختراقة فعلا و منها كتير مواقع متفبركة لزوم النخع المصري في تضخيم الأنصارات حتى لو وهميه
إلي الشعب الإسرائيلي لا تحزنوا ان مواقعكم تم اختراقها بل أفرحوا لأن مصر تتمزق بالطائفية و شبابها غافل هذا أكبر نصر لكم .. نصر ما بعده نصر
No comments:
Post a Comment
Note: Only a member of this blog may post a comment.