فى كتب التاريخ لينا ذكــريات وافـــــــاده لما كانت القاهــره يعنى القاهــره والـــرياده
يا ترى بعد كام سنه بنتى هتـقرا ايه عـن تاريخ ربـيع قلب انحـطاط وفـساد وبــــــلاده
ان ربيع بلدنا بقـى خـريف غـابه وديـابـه ان البنات اتسحلت واتعرت فى عــهد البـياده
وان جنودنا اتقتلـوا واتخطفـوا وشــــباب كتير ماتوا دفناهم وشربـنا عليهم قهوه ساده
واتقسمنا ليبرالى سلفـى اخوانى علـمانى وان شـــباب راح يشجـع كـوره حصـله اباده
ان اول دستور كتبه الاخــوان ومجـلــس شـورى الجـماعه وفـى المقطم بقت السـياده
ان ثورتنا اتسرقت والمعارض بقى كافر وعشــنا فى عـنق الزجاجه ومخاض الـولاده
عايشين فى الزباله مش لاقيين الرغيف والكهــربا ساعـتين والبطـــاله فـــى زيــــاده
وان المحاكم والاقسام اتحاصرت بأمـر مــن واحـد تسـأله لـيه ؟ يبــقى كــله سعــاده
التاريخ هيكتب ايه ؟ ان بلـــدنا انهارت والحكـومه بتكــدب وان الكــدب كــان عـــاده
وان اليأس بقينا بنـتنـفسه والغـلب غلبنا واتـوجعــنا وعشــنا سنـين ولا عــام الرمـاده
واننا اتحبسـنا جــوه سكــوتـنا واتكتمـنا مستنـيين الفــارس النبـيل يجيلـنا على جواده
No comments:
Post a Comment
Note: Only a member of this blog may post a comment.