“فيسبوك” يفضح مستخدميه من خلال “الشات”

لاحظ مستخدمو موقع التواصل الاجتماعي “فيسبوك” خلال الساعات الأخيرة حالة الـ “أون لاين” التي سادت كل من يدخل الموقع، بحيث يكون مكان الـ “شات” مغلق لدي صاحب الـ “أكاونت” ولكن العلامة الخضراء تظهره “أون لاين” عند الآخرين.

وقد ساد هذا الأمر الاستغراب والاندهاش من الجميع مما أدى إلى استغلال النشطاء بالتعليقات الساخرة والمضحكة ومنها:

قال محمد عمار: ” الـ أوف لاين أتلغى وأنا أقول الأكاونت كان عامل زى منتدى أم فتكات وكله بيكلم ازاي إمبارح وانا مش موجود وكنت نايم أصلا”.

وذكرت رحمة محمد: “حملة تمرد على مارك كل واحد يقفل الفيس لمدة ربع ساعة”، أما شريف الشافعي : ” الـ أوف لاين شغال فلة شمعة منورة”.

والمستشار هشام السيد :"يعنى نبلغ عنك يا مارك انك بتسرف كهرباء بدون ترشيد"

وعادل نبيل المحامى : "روح ربنا يفضحك الناس افتكرونا بننفضلهم.بكهربة أمك الزيادة دى .تتفضح يابن أم مارك"

والطيار طارق العجمى : "حد يصحى الواد مارك ده يقول لأمه عمدان الشات منورة ليل نهار. وربنا لأبلغ عن أمك تجيلك فاتورة تبيعك المزرعة السعيدة كلها"

وعلق بهاء الدين: “الـ “أوف لاين” مش شغال بتبقى ظاهر فاتح مجرد لما تدوس على اسمك تظهر الـ “أوف لاين”.

وقالت مي محمد: “والله انتوا جننتوني ولخبطوني وعادي بأة ولا اي اندهاش ولا يهمني”

وعبر شهاب محمود : “الـ “أوف لاين” اتلغي يا مارك يا مشردناااا”

أما هيثم فاروق : “عم مارك ده لازم حد يوقفه عند حده”.

:-)