مؤيد:على فكرة بقى مرسي لازم يرجع
طلبه:الله!! مش أنتو قلتوا انكم مش نازلين عشان رجوع مرسي و لا حاجة
مؤيد:أخرص يا عدو المشروع الإسلامي ربنا ينتقم منك أنت و العلمانيين اللي مش عايزين إسلام
طلبه: هو فين المشروع الإسلامي؟
مؤيد: مش عارفين
طلبه: طب مرسي لو رجع حيطبق المشروع الإسلامي؟
مؤيد: لا بس هو لازم يرجع عشان الشرعية الديموقراطية
طلبه: أنت مقتنع بالديموقراطية؟!
مؤيد: ديموقراطية مين... الديموقراطية كفر.. و "أنتو" أول من كفر بيها ...و ما ينفعش معاكم الكلام ده.. انتو لازم لكم ثورة إسلامية
طلبه: يعني أنتو دلوقتي مش في مظاهرات سلمية أنتم في ثورة "اسلامية"؟
مؤيد: لا احنا في مظاهرة سلمية حتى عودة مرسي
طلبه: يعني مرسي حيخرح يعمل الثورة الإسلامية
مؤيد: لا مرسي هو ابن اول عملية ديموقراطية في مصر الحديثة
طلبه: طب عندك حلول لإدارة الجيش بعد رجوع مرسي؟
مؤيد : لا بس ربنا كريم .. هو يرجع بعد كدة نشوف
طلبه: الشرطة؟!
مؤيد: لا
طلبه: القضاء و الاعلام ؟!
مؤيد:حيطهر بقى
طلبه ازاي؟!
مؤيد: ما اعرفش.. بس هو لازم يرجع عشان كرامة المواطن و حق الشهدا
طلبه: كل الشهدا و لا المؤيدين بس؟!
مؤيد: احنا طول عمرنا واقفين ضد العسكر و الشرطة يا عبيد البيادة
طلبه: طيب خلاص فهمنا أنكم نازلين عشان الشرعية اللي هي الديموقراطية ..اللي نصكم شايف ان هي ما تنفعش مع اللي "زينا" و النص التاني شايف انها كفر و ان مرسي "نفسه" يطبق المشروع اللي هو مش معروف هو ايه بس مش عارف عشان لازم التدرج مع اللي "زينا" ... بعدين حتعملوا ثورة "اسلامية" اللي هي مش معروف شكلها ايه و مين حيقودها و اللي هي مافيهاش تدرج خالص...
كل ده كلام واضح جدا جدا .... المواطن بقى العادي الغلبان .... عندك حلول لعدم عودة أزمات البنزين و الكهرباء و البوتاجاز؟! اللي هي عارف و المصحف انها مؤامرة عليكم من مؤسسات الدولة...عندك حلول؟!
مؤيد: لا ما عنديش حلول... و بعدين ما الأزمات دي بدأت ترجع .. يبقى احنا أولى عشان احنا عندنا دين و التانيين دول خونة
طلبه: طب هي الناس عايزة دين؟!
مؤيد: لا
طلبه: طب يا بوب بس كدة خناقة على كرسي؟
مؤيد: لو مرسي ما رجعش أحنا حنتنفخ.. و امن الدولة حيرجع تاني
طلبه: يعني عشان انت ما تتنفخش تنفخ الشعب كله معاك ؟!!
والى هنا قد أنفجرت مرارة المؤيد وتحول الى ضفدعة :-)
No comments:
Post a Comment
Note: Only a member of this blog may post a comment.