تحقيق حصرى بالصور : ما سر الدمية "أبلة فاهيتا" ؟ وهل هى بالفعل مصدر لأرسال واستفبال الشفرات السرية؟

"أبلة فاهيتا" متهمة بالتجسس وإثارة الشغب

إعلان شركة "فودافون" الجديد بمناسبة العام الجديد أوقعها في المشاكل، خاصة بعد اختيار الشخصية الهزلية "أبلة فاهيتا" لتقديمه.

تقدم أحمد سبايدر مؤسس حركة "آسفين يا ريس" ببلاغ للنائب العام يتهم فيه شخصية "أبلة فاهيتا" وابنتها "كركورة" بالتجسس والماسونية، وذلك بعد تحليله لإعلان شركة "فودافون" عن فوائد إعادة تشغيل الشريحة القديمة.

فصرح "سبايدر" أن الإعلان يحتوي على علامة "رابعة" في إشارة للتضامن مع الإخوان المسلمين، وشجرة الكريسماس به مصنوعة من الصبار أي ما يعني أنه إشارة للموت في تلك الاحتفالات خاصة وأنها معلق بها متفجرات!

وأكد "سبايدر" أن بداية الإعلان مكتوب بها حرف الـA وهي شعار "الأناركية" وهو مذهب الفوضى، وذلك حسبما صرح في لقائه ليلة رأس السنة مع الإعلامي أحمد موسى على قناة "التحرير".

كما تم بالفعل إحالة البلاغ للتحقيقات من قبل امن الدولة العليا.

شخصية "أبلة فاهيتا" اشتهرت من خلال برنامج إذاعي يحمل اسمها، ولها تواجد عبر مواقع التواصل الاجتماعي، عبرت من خلاله عن سخريتها من البلاغ 

قامت شركة فودافون مصر منذ أيام بعرض إعلان قصير على شبكات الإنترنت وصفحات التواصل الاجتماعي خاص بعرض لإعادة تشغيل الشريحة للسادة عملاء فودافون ،وتم استخدام شخصية "أبلة فاهيتا" الكوميدية كوسيلة لإيضاح العرض للمشاهدين ، في سياق كوميدي ساخر يتناسب مع صفات الشخصية الكوميدية و طرق التواصل الساخرة على شبكات التواصل الاجتماعي ، وقد أثار الإعلان القصير ردود فعل مختلفة مما أستدعى توضيح التالي : 

• هذا الإعلان ما هو إلا وسيلة اتصال تسويقية تهدف إلى التعريف بعرض إعادة تشغيل شريحة فودافون وجذب المشاهد للمنتج

• الإعلان لا يحمل أي بعد أخر غير الموضح أعلاه وأي تفسيرات مخالفة لذلك تعد محض خيال و أراء شخصية لبعض مشاهدي الإعلان وفودافون غير مسئولة عن التوجهات الشخصية والتفسيرات البعيدة عن الواقع لبعض من شاهدوا الإعلان

• تنأى فودافون بنفسها عن الدخول في تفاصيل التفسيرات و الاتهامات الغير معقولة التي صدرت من بعض الأشخاص وتحتفظ فودافون بحق الرد واتخاذ الإجراءات القانونية حيال من يحاولوا تشويه سمعة الشركة 

و نشكر عملاء فودافون على ثقتهم الغالية في الشركة و الدعم و المساندة التي نراها على صفحات التواصل الاجتماعي .

اعلان فودافون " ابلة فاهيتا" هل تتفق مع هذة التفسيرات ام تختلف ؟؟

تفسير اعلان فودافون -- فاهيتا (المرحوم والشريحه)

1- في اول لقطه بتظهر شجرة الكريسماس و عليها حرف A بيشير للاناركيين و افتعال فوضى وفي كوره حمراء في الناحيه التانيه بترمز لقنبله او تفجير هيحصل في يوم الكريسماس .

2- فاهيتا بتقول " فكيتي فريزر يا بطه فريزر بيقولوا السائعه دي ماتشفتش من ايام الدليسبس "

فاهيتا بتمثل جماعة الاخوان او الشخص اللي بيدير التفجيرات اللي بتحصل

" السائعه " بتمثل الاحداث اللي بتحصل لجماعة الاخوان وانها محصلتش من ايام "الدليسبس" الدليسبس المقصود بيه جمال عبد الناصر بما انه صاحب قرار تاميم القناه وهو اللي كان بيحط الاخوان في السجون .

3- ظهرت كارو بعد مكانت بتدور على الشريحه ؛ والشريحه في الاعلان بترمز لادلة ادانة مرسي وتورطه مع امريكا في قضية التخابر ؛ وفاهيتا بتقولها "فتشتي البلطو البيج" واللي بيرمز للجيش او المخابرات ؛ وبعدين بتقولها "روحي دوري في رف الببلوهات " المقصود بيها وزراء حكومة الببلاوي اللي عينها البرادعي بمعنى اصح بتقولها شوفيهم قدروا يوصلوا لمكان الادله ولا لاء ؛ وبعدين كارو بتهمس وبتقول "بودي كل شريحه" بودي تقصد بيه الببلاوي على حسب تويته لكارو كانت بتقول "بودي عمل قانون تظاهر على روحه" يعني الببلاوي عمل قانون التظاهر مجبر بسبب الضغط اللي كان عليه من وزير الداخليه . اما "بودي كل شريحه" فتقصد بيها محاولة بودي لاخفاء ادلة ادانة مرسي .

4- فاهيتا بتقول "دي كركوره بتبرطم على شريحة المرحوم مش لقياها ؛ شريحته من قبل ما يبقى مرحوم" كلمة المرحوم بتشير لمرسي لانهم هيحاولوا يغتالوه علشان يبقى الشراره اللي هتعمل 25 يناير 2014 و بالمره يمنعوا محاكمته وميتفضحوش ؛ اما شريحته فزي ما قولنا انها ادلة ادانة في الغالب هو مستند بيدل على اتفاق حصل بين مرسي او الاخوان وامريكا . وبعدين بتقول "عليها اوفر وهدايا" واضح ان في مكافأه لو توصلوا للشريحه او الادله .

5- فاهيتا بتقول "الشيخ الالوسي" ودي عائلة أصلها من العراق واستخدام اسمه هنا بيرمز لعناصر من القاعده ؛ لان القاعده حاليا متوطنه في العراق و في .. " وبتقول كلمته يبعت للمرحوم يطلعله " لما هيطلع المرحوم ر (مرسي) من السجن وهو في طريقه للمحاكمه هيتم هجوم بعناصر انتحاريه على موكب نقله او هيتم استهدافه بعمليه انتحاريه او سياره مفخخه لانها قالت في الجمله اللي بعدها "على طول جالي في المنام عرقان ومهبط وبيقولي انتوا بردانين ليه دا الجو صهد نار" وده معناه ان المرحوم تم تفجيره علشان كدا حاسس بالجو صهد نار . وبعدين بتقول "لاء شدوه قبل ما يقولي دافس الشريحه فين" شدوه يعني حبسوه من غير ما يعرفها مكان الادله اللي بالتاكيد تم ضبطها.

6- وبعدين بتقول "ريكس بوليسي بيجي يشمشم ويطلعلك الضايع وبياخد نسبه" وده ان دل فهو بيدل على اختراق امني في الداخليه وشوفنا نفس الموضوع حصل لما تم اغتيال محمد مبروك الضابط المسؤل عن قضية هروب مرسي من وادي النطرون فاكيد تم دفع رشوه لذوي النفوس الضعيفه وده المقصود ب "بياخد نسبه" ؛ وبعدين بتقول " دورلي في كل حته بس طلعلي فردة صندل كانت ضايعه" و ده في الغالب بيشير لحادث اغتيال الضابط محمد مبروك.

7- فاهيتا بتقولها " فتشتي في لكلوكه الاسمر " و دي ممكن تشير للشرطه ؛ "طيب محفظة الكروكوديلا " ممكن ترمز لمنزل او مكتب و زير الداخليه ؛ " مخبيها في الطقم الدراكولا" ممكن ترمز للامن الوطني ..

وفي نهاية المشهد اتظللت شجرة الكريسماس باللون الاحمر و اللي بيشير للدم ولضحايا التفجير...

أحمد سبايدر: أتعهد بسجن "فاهيتا".. و"أبلة" ترد: المشكلة في العقول وليس في الإعلان

قال الناشط أحمد سبايدر، إن شخصية أبلة "فاهيتا" التي ذاع صيتها بعد ظهورها مع الإعلامي باسم يوسف في برنامج "البرنامج"، تستخدم الشفرة لتوصيل رسائل معينة.

وأكد سبايدر، خلال مداخلته الهاتفية مع الإعلامي خيري رمضان ببرنامج "ممكن"، أن الشخصية التي يتابعها نحو مليون شخص على "فيسبوك" و88 ألف على "تويتر" ظهرت في إعلان إحدى شركات الاتصالات تتمتم بكلمات غير مفهومة، وتستخدم عبارات متقطعة لا معنى لها، مؤكدا أنه إذا تم تجميع هذه الشفرات بطريقة معينة ستنتج عنها جمل منظمة.

وأشار سبايدر إلى أنه تقدم ببلاغ للنائب العام، يفيد بأن الإعلان يحمل رسائل مبطنة تفيد بالقيام بعمليات إرهابية في مصر، مثل "صدور الديك الرومي المحشية للكريسماس"، والتي تشير لوجود قنابل مفخخة أثناء أعياد الكريسماس، بحسب سبايدر، وأشار إلى أن جملة "سنانها اتجمدت في الكوباية" تشير إلى تجميد أموال الجمعيات التابعة لجماعة الإخوان المسلمين مؤخرا.

واستضاف رمضان شخصية "فاهيتا" في اتصال عبر "سكاي بي"، وقالت خلاله إنها لا تقصد شيئا من كلماتها غير المفهومة في الإعلان، مشيرة إلى أن هذه هي طريقة كلامها منذ أن ظهرت، وكل متابيعها يعلمون ذلك، مشيرة إلى أن المشكلة ليست في تحليل الإعلان إنما في العقول التي تسعى لتحليل إعلان بلا أي قواعد تستند إليها.

وتعهد سبايدر على الهواء مباشرة بسجن "أبلة فاهيتا" والقائمين على إعلان "شريحة المرحوم".

اتهامات بالإرهاب والجاسوسية تلاحق "أبلة فاهيتا وشريحة المرحوم"..نشطاء يتداولون تحليلات للإعلان ويؤكدون: يحمل إشارات لصالح الموساد والموسانية.. وآخرون يتوقعون اغتيال مرسى وتفجير فى رأس السنة

أثارت الشخصية الكوميدية "أبلة فاهيتا" الجدل موخرا على مواقع التواصل الاجتماعى "فيسبوك وتويتر" بعد إعلانها الجديد "أبلة فاهيتا وشريحة المرحوم"، إضافة إلى العبارات الغامضة التى تدونها "فاهيتا" عبر حساباتها على "فيسبوك وتويتر" مثل كلمة "نيتروجينا –خلايا نايمة – الحبر السرى – حطى الرسالة تحت باط الهدهد الغلبان وقوليله طيران على كابول – شفرتى –يقطعه الإبهام – رابعة"، والتى أثارت شكوك متابعيها وأن هذه الكلمات تحمل "معانى مزدوجة وإشارات غامضة".

الأمر الذى دعا النشطاء للوقوف أمام شخصية "فاهيتا" وإعلانها الأخير، ووضع عدد منهم تفسيرات للإعلان وما يحمله من دلالات وإشارات، والتى تعبر عن وجهة نظرهم فقط، فأوضح النشطاء أن حرف A الذى ظهر هو رمز الأناركية، وهى فلسفة سياسية لا تعترف بالدولة وترى أنها غير مرغوب فيها ومعادية للمجتمع، ووجود قنبلة معلقة بالشجرة، وأنها تشير إلى تفجيرات ستقع فى ليلة رأس السنة، وحلل النشطاء أن وجود شجرة الكريسماس من الصبار تدل على الموت لأن الصبار يوضع على المقابر.

ونشر نشطاء آخرون تحليل لفيديو "شريحة المرحوم" ويوضح الآتى: ففى الثانية العشرين للفيديو، "وطى التليفزيون وروحى كملى دعبسة فى الصندرة" اعتقدوا أن هذا معناه قلة الظهور الإعلامى لأى حد إخوانى، والاختفاء عن الأنظار والتخطيط فى السر، بعد إعلان الجماعة أنها إرهابية.

والثانية 22 "البنت بتقول الاختبااااااااار" محللين ذلك بأنه يخص الامتحانات، وأنهم ممكن يعملوا حاجات فى الجامعات وقت تجمع الطلاب فى الامتحانات، ودا بدأنا نشوف بوادره فى الفترة الأخيرة، من تفجير أتوبيسات الجامعات.

و"الثانية الواحد والثلاثين": "فريزر يا بطة فريزر" حملة فريزر كانت هجوم من الإنجليز على رشيد، واعتقد أن دمياط جايز تشهد جزءا من الأحداث الساخنة.

والثانية 42 "ماما توتو؟" اعتقد دى تركيا، طقم سنانها اتجمد فى الكوباية؟، معناه أن تركيا أو أردوغان وزارته ونفوذه فى المنطقة، اتجمد واتشل بسبب التظاهرات اللى حاصلة ضده، الوزارة والأعوان هم طقم السنان، والمنطقة أو الشرق الأوسط هو الكوباية، ودا معناه أن تركيا حاليا وضعها متأزم فى المنطقة، ومش هاتقدر تساعد الإخوان. 

أما فى الثانية 35 فـ"الساقعة دى ماتشافتش من أيام ديليسيبس" نذكر أن من أكبر الضربات المصرية للمستعمرين كان تأميم قناة السويس على يد الزعيم جمال عبد الناصر، وبما أننا بنقول إن السيسى خليفة ناصر، فده معناه أن الجيش ماشافش رجل قوى وزعيم زى السيسى من أيام عبد الناصر. 

وعبارة "بعت سيكيوريتى البواب" ندهلى الكلب اللى فى جراج المول اللى جنبينا، ريكس البوليسى بييجى يشمشم، ويطلعلك الضايع وبياخد نسبة، اعتقد المقصود هنا جهاز مخابرات شقيق، إما القطرى وإما الليبى، ودا معناه أنهم استعانوا بالمخابرات القطرية عشان تفيدهم فى الورطة دى، بس ماقدروش يوصلوهم لحاجة، "بس طلعلى فردة صندل كانت ضايعة" اعتقد أنهم فشلوا فى تهريب مرسى، ولكن نجحوا أنهم يهربوا عناصر تانية كانت على وشك القبض عليها.

وعبارة "فتشتى فى لكلوكة؟؟" اللكلوك للقدم، يعنى مراقبة تحركات، و"فتشتى فى محفظته" يعنى تسريب معلومات.

وعبارة "ياقته الدراكولا؟" اعتقد الياقة تخص الرقبة وأن المطلوب مراقبة تحركات وتسريب معلومات لحدوث عملية اغتيال.

وفى "دقيقة وعشر ثوانى" عبارة "بودى كل الشريحة" اعتقد دا معناه، كلمة شريحة، قد تعنى شريحة فى المجتمع، يعنى دايما بنقول إن الأطباء مثلا شريحة من المجتمع، فجايز الكلام أن بودى أكل الشريحة؟، يعنى (عبد الفتاح) السيسى قضى على الجماعة، وهيا بتقول بندور على شريحة المرحوم قبل ما يبقى مرحوم، يعنى بندور على لم شتات الجماعة، قبل مرسى ما يبقى رئيس والجماعة تضيع.

"وبتقول أنا كلمت الشيخ الالوسى؟"، اعتقد دا حاكم قطر، وأن "هوا خلى المرحوم يجيلها فى المنام" يعنى وصلها رسالة، "بس اتشد على طول مالحقش يقولها الشريحة فين"، يعنى خط التواصل بينهم قفلته المخابرات قبل ما توصلهم معلومات تانى بكيفية لم شمل الجماعة. 

اعلان ابلة فاهيتا وشريحة المرحوم | فودافون

وعبارة "البالطو البيج" كان تحليلها "سيناء الصفراء والجيش"، و"فتأتى بطانته؟" يعنى استخدام البطانة.. وهى شىء داخلى يعنى الإنفاق، "عضعضتى ياقته؟" اعتقد دا المقصود بيه الحدود، والفكرة هنا توصيل الرسالة للموالين فى سيناء، بالتحضر فى عملياتهم واستمرارها، وفى نفس الوقت استخدام السياسيين فى دورهم، بدليل بتقولها فتشى فى طقم البيبيوهات، اعتقد دا جمع بيبيونة. ودى بتتلبس فى البدل الرسمية، يعنى السياسيين والنخبة، أمثال حمزاوى وأيمن نور والبرادعى، بمعنى أن الإرهاب يستمر فى سينا، والضغط السياسى يستمر من خلال السياسيين.

وجملة "الشريحة بيقولوا عليها أوفر وهدايا" دا معناه أنه فى تمويل خارجى كبير، وأنه فى وعد بمكافآت كبيرة من دول خارجية، فى حالة لو الجماعة قدرت تجمع نفسها، وقدرت تخرب مصر وقتها الهدايا هاتوصلهم وهاتكون كتير.

أما التفسير الثانى فكان كالآتى: 

1- فى أول لقطة بتظهر شجرة الكريسماس وعليها حرف A بيشير للأناركيين وافتعال فوضى وفى كورة حمراء فى الناحية الثانية بترمز لقنبلة، أو تفجير هيحصل فى يوم الكريسماس. 

2- فاهيتا بتقول "فكيتى فريزر يا بطة فريزر بيقولوا السائعة دى ماتشفتش من أيام الدليسبس" فاهيتا بتمثل جماعة الإخوان، أو الشخص اللى بيدير التفجيرات اللى بتحصل "السائعة" بتمثل الأحداث اللى بتحصل لجماعة الإخوان، وإنها محصلتش من أيام "الدليسبس" الدليسبس المقصود بيه جمال عبد الناصر بما أنه صاحب قرار تأميم القناة، وهو اللى كان بيحط الإخوان فى السجون. 

3- ظهرت كاركورة بعد ماكانت بتدور على الشريحة، والشريحة فى الإعلان بترمز لأدلة إدانة مرسى وتورطه مع أمريكا فى قضية التخابر، وفاهيتا بتقولها "فتشتى البلطو البيج" واللى بيرمز للجيش أو المخابرات، وبعدين بتقولها "روحى دورى فى رف الببلوهات" المقصود بيها وزراء حكومة الببلاوى اللى عينها البرادعى بمعنى أصح بتقولها شوفيهم قدروا يوصلوا لمكان الأدلة ولا لأ، وبعدين كارو بتهمس، وبتقول "بودى كل شريحة" بودى تقصد بيه الببلاوى على حسب تويته لكارو كانت بتقول "بودى عمل قانون تظاهر على روحه" يعنى الببلاوى عمل قانون التظاهر مجبر بسبب الضغط اللى كان عليه من وزير الداخلية. أما "بودى كل شريحة" فتقصد بيها محاولة بودى لإخفاء أدلة إدانة مرسى. 

ابلة فاهيتا وشريحة المرحوم اعلان فودافون الجديد وشبهات حول فاهيتا

4- فاهيتا بتقول "دى كركورة بتبرطم على شريحة المرحوم مش لقياها؛ شريحته من قبل ما يبقى مرحوم" كلمة المرحوم بتشير لمرسى لأنهم هيحاولوا يغتالوه علشان يبقى الشرارة اللى هتعمل 25 يناير 2014 وبالمرة يمنعوا محاكمته وميتفضحوش، أما شريحته فزى ما قولنا إنها أدلة إدانة فى الغالب هو مستند بيدل على اتفاق حصل بين مرسى أو الإخوان وأمريكا. وبعدين بتقول "عليها أوفر وهدايا"، واضح أن فى مكافأة لو توصلوا للشريحة أو الأدلة. 

5- فاهيتا بتقول "الشيخ الالوسى" ودا شيخ فى العراق واستخدام اسمه هنا بيرمز لعناصر من القاعدة، لأن القاعدة حاليا متوطنة فى العراق، و"بتقول كلمته يبعت للمرحوم يطلعله" لما هيطلع المرحوم (مرسى) من السجن وهو فى طريقه للمحاكمة هيتم هجوم بعناصر انتحارية على موكب نقله أو هيتم استهدافه بعملية انتحارية، أو سيارة مفخخة، لأنها قالت فى الجملة اللى بعدها "على طول جالى فى المنام عرقان ومهبط وبيقولى انتوا بردانين ليه دا الجو صهد نار" وده معناه أن المرحوم تم تفجيره علشان كدا حاسس بالجو صهد نار. وبعدين بتقول "لاء شدوه قبل ما يقولى دافس الشريحة فين" شدوه يعنى حبسوه من غير ما يعرفها مكان الأدلة اللى بالتأكيد تم ضبطها.

6- وبعدين بتقول "ريكس بوليسى بيجى يشمشم ويطلعلك الضايع وبياخد نسبة" وده إن دل فهو بيدل على اختراق أمنى فى الداخلية وشوفنا نفس الموضوع حصل لما تم اغتيال محمد مبروك الضابط المسئول عن قضية هروب مرسى من وادى النطرون، فأكيد تم دفع رشوة لذوى النفوس الضعيفة، وده المقصود بـ "بياخد نسبة"، وبعدين بتقول "دورلى فى كل حتة بس طلعلى فردة صندل كانت ضايعة" وده فى الغالب بيشير لحادث اغتيال الضابط محمد مبروك.

7- فاهيتا بتقولها "فتشتى فى لكلوكه الأسمر" ودى ممكن تشير للشرطة، "طيب محفظة الكروكوديلا" ممكن ترمز لمنزل أو مكتب وزير الداخلية، "مخبيها فى الطقم الدراكولا" ممكن ترمز للأمن الوطنى. 

وفى نهاية المشهد، اتظللت شجرة الكريسماس باللون الأحمر واللى بيشير للدم ولضحايا التفجير اللى ممكن يحصل فى أحد الكنائس فى احتفال رأس السنة الميلادية.

هل ترى فى كل ما سبق اى نوع من الكوميديا؟؟؟؟؟

أم رسائل مشفرة بالاكواد؟؟؟؟؟

تم استخدام بعض الدمى فى نقل بعض الرسائل المشغرة لمنظمات ارهابية دولية من قبل وتم رصدها من الانتربول الدولى والعديد من الاجهزة المخابراتية التى تعمل ليلا ونهارا فى تعقب تنظيمات جهادية وارهابية تحاول بشتى الطرق التواصل مع بعضها البعض بشتى الوسائل وكانت تلك الدمى فى البداية عنصرا ناحجا وغير مشكوك به حيث تتوجه سيدة الى سوبر ماركت معين ومعها طفلها لشراء عروس او دمية من نوع معين ويحملها الطفل فرحا بها ويحملها ويسير بها أمام الجميع بدون شك من أحد حتى تم القبض على أحد تلك الدمى بمطارين فرنسا-النمسا وبهم رسائل شفرية سرية لمنظمات ارهابية دولية على أعلى مستوى وتم التغطية على الخبر فى مارس 2012 لحين انتهاء التحقيقات تحت مسمى (ممنوع من النشر وسرى للغاية) بعد أن كانت تتواصل على نفس منهاج أبلة فاهيتا على تويتر والفيسبوك وغيرها وكانت مرصودة منذ قليل من الوقت ليس بكثير وما أتضح بأنها كارثة كان تهدد أوربا من تنظيم كامل تم القبض على العديد منهم بعمليات تفجير فى أوربا منذ عامان

فأن كانت تلك الدمى للأطفال أو للتسلية أو للأعلان عن منتج معين فهل سيفهم الطفل تلك الشفرات والأكواد الموجودة فى الاعلانات أو المواد الفيلمية أو حتى سيلعب الطفل بدمية تحمل حزاما ناسفا أو تعلبم الطفل هوية المتفجرات والعمل الانتحارى الجهادى؟

جانب من الدمى التى تم ضبطها تحمل مواد فيلمية وميكروفيلم بداخلها والتى تشبه الدمية أبلة فاهيتا التى أثارت الجدل فى مصر...

فهل أتى هذا الاسلوب من الغرب ليطبق فى مصر بعد اعلان جماعة الاخوان المسلمين كجماعة ارهابية؟؟؟؟

هل ستكون تلك الوسيلة هى وسيلة التواصل بعد تعقب أفراد التنظيم الدولى لنقل التهليمات والتويهات الى مصر ورجالهم وجهادييهم فى سيناء وببعض محافظات مصر؟؟؟؟

الأمر ربما يبدوا للبعض ساخرا ولكن ما وراؤه يفوق مستوى خيالك وتصورك أو تخيلك من مدى الخطورة التى يحملها فى طياته من رسائل ورموز وأكواد تتحرك بها تنظيمات دولية وارهابية فى أن واحد بالاتفاق بين بعضها البعض ومدربون عليها بالفعل للقيام بعمل اجرامى او ارهابى بوقت ما فى مكان ما ....

فأن كانت مجرد دمية كوميدية كما يدعى البعض وللأطفال والكبار أو هو مجرد اعلان فماذا فهمت انت منه؟؟؟؟

فهل من رأيك كل تلك اللوغاريتمات والاكواد والشفرات والرموز والكلمات الغير مغهومة هى بالنسبة لك كوميدية او مجرد اعلان أو ضاحكة ومفهومة؟؟؟؟؟؟؟؟؟؟؟؟؟؟؟

كم من أماكن تفجيرات كبيرة وقعت ووجدت بها دمية طفل أعتقد البعض أنه أختفى أو قتل؟؟؟؟

كم دمية وجدت فى أماكن قتل أو حرق أو تصفية لبعض الشخصيات السياسية أو العامة أو النشطاء أو حتى رجال الشرطة والجيش؟؟؟؟

كم دمية وجدت فى أماكن حدثت بها جرائم ارهابية من قبل؟؟؟؟

المذيع محمود سعد ساخرا و مكالمة ابلة فاهيتا ومشكلتها مع الجاسوسية

الشرطة تلقى القبض على الدمية الجنسية للأطفال

على مدى سنوات ماضية قامت الشرطة والجهات السيادية والمخابراتية بالقبض على العديد والكثير من العرائس والدمى الخاصة بالأطفال والتى تمثل العديد من الرموز الارهابية والرموز الجنسية والتى يتم تهريب المخدرات أو القنابل بها وغيرها التى لا تصلح للأطفال ولا تمثلهم أو تحاكيهم ولا تصلح حتى للتعامل مع منهاج الطفل فى التعليم والحياة

وغيرهم الكثير والكثير....

أسلوب لجأ اليه العديد من المنظمات لتنفيذ ضرباتهم بالأونة الأخيرة بعد تضييق الخناق عليهم من الأجهزة الرقابية والأمنية فى العديد من دول العالم ولكنها ربما الصيحة الجديدة التى سيتم محاربة الشرق الاوسط والعالم العربى بها بعد فشل مخطط التقسيم وثورات الربيع العربى وتحريك منظمات جهادية وارهابية لضرب صميم العمق لبعض الدول كان منها مصر وليبيا والسودان والعراق والمغرب لتنفيذ مخطط الشرق الاوسط الكبير الذى يجعل الكيان العربى مجرد قشة ضعيفة واهنة كالريشة فى مهب الريح .. الا أن العديد من تلك المخططات فشل بالفعل فشلا ذريعا....

يعلمون جيدا أنهم مراقبون جوا وبرا وبحرا بشتى الوسائل من كافة الاجهزة الرقابية والامنية والسيادية الحاكمة للدول للمحافظة على أمن مواطنيهم..ولم تفلح التفجيرات وأفتعال الحرائق والمعارك والاشتباكات بواسطة بعض المأجورين منهم ...

فهل تعتقدون أن تلك الكيانات أو الدول الراعية للأرهاب أو تموله أو الدول العظمى التى من صالحها تفكيك وحدة الصف العربى أو المنظمات الارهابية الدولية ستصمت عن التواصل بشتى السبل والوسائل عن مواصلة الحرب وكل ما دفعوه من أجل هذا الهدف؟؟؟؟

 

أنا لا أعتقد.....والأيام بيننا.........