بــــس فيــــن بقـــى البلطجيــــــة والمجــــرمين اللــــي بيروعـــــوا النـــــــاس ؟!
و بيثبتوهم على الطرق ويسرقوا عربياتهم ويقتلوهم في كثير من المرات ؟!
فين محترفي سرقة السيارات وخطف الأطفال والفتيات وتجار المخدرات ؟!
وكلهم معروفين بالإســـــــــــــم والعنــــــوان وسهل جداااا أهو تتبعهم ؟!
ولا دول ما بيمثلوش مشكلة بالنسبة للنظام ؟؟؟
::::::::::::::::::::::::::::::::::::::::::::::::::::::
الصورة دي بعد ما طلع قرار نيابة أمن الدولة العليا بحبسه 15 يوم لو لم يدفع ال 50 ألف كفالة
فرفض ورفضنا الدفع وطلع عربية الترحيل بمزاجه
بس ضغوط أصدقاءنا وجمعهم للمبلغ بنفسهم من بعض وضغوط الأهل كمان اللي خلتنا دفعنا المبلغ
بصراحة في خلال ساعة كان جاي اكتر بكتييييير من المبلغ المطلوب ومش عاوزين الفلوس كمان بس إحنا هنرجعهم إن شاء الله في أقرب فرصة
فربنا يبارك فيهم كلهم وينصرنا على الخونة المجرمين
ونصر الله قريب بإذن الله
=================================
بـــــص شـــــوف طلعــــــت بيعمـــــل ايـــــه
باختصار
ناس اتقبض عليها وقالوا عليهم إنهم بيخربوا
الناس دول اتحالوا لنيابة "المحلة"
وأخلى سبيلهم بكفالة 100 جنيه
سألوهم عن علاقتهم بحمدي الفخراني فنفوا أي صلة بيه ( وده سؤال إجباري في أي حاجة بتحصل في المحلة أو المحافظات القريبة كمان )
قام طلعت ( النائب الباطل ) طلع لحمدي الفخراني أمر ضبط وإحضار
فراح بنفسه ولوحده نيابة المحلة علشان يتسأل قالوله في النيابة لأ قضيتك في طنطا
راح نيابة طنطا قالوله لأ انت في القاهرة (( كل ده مثبت في ورق القضية إنه راح بنفسه هنا وهنا ورفضوا التحقيق معاه ))
قالهم خلاص ابقوا ابعتولي بقى ( هو هيجري وراهم علشان يقبضوا عليه ! )
هم مراقبين تليفونه طبعا عملوله كمين فظيع في البحيرة وهو كان في مشوار هناك
وقبضوا عليه وخبوه ومنعوه من الاتصال بأي حد وبعدين رحلوه نيابة أمن الدولة العليا
وكفالة 50 ألف جنيه
وطلعت " النائب الباطل" أحاله لمحاكمة عاجلة للجنايات !
كل ده والفاعل الأصلي ( الناس اللي إدعوا إنهم مسكوهم بيخربوا فعلاً ) سابوهم ب 100 جنيه في نيابة المحلة العادية .. وفي بلاغات كتيييييييير ضده لسة من نفس النوعية دي
يبقى ده إسمه إيه ؟؟؟؟؟
:::::::::::::::::::::::::::::::::::::::::::::::::::::::::
على فكرة تهمة التخريب دي مش محتاجة رد عليها اصلا
احنا بنقول صوت وصورة وعلى الهوا وفي كل حتة وبكل الطرق حاجات ضد النظام المجرم الفاقد للشرعية .. حاجات عقوبتها القانونية تصل لأكتر من كدة بكتييييييييييييييييييييير
فمش بننكر السفالة اللي بيدعوها دي خوف من العقوبة بتاعتهم
لأ لأنه اصلا ما حصلش
وبنعترف بالأكتر من كدة "قانوناً"
الموضوع مالوش اي دعوة بالخوف منهم ولا من الحبس ولا من غيره
احنا احرص الناس على كل ذرة تراب في البلد دي ودفعنا وبندفع مقابل الحفاظ على ده كتير
شوفوا مين اللي بيفرط في ثرواتنا وبيطعن في أحكام عودتها لملكية الشعب وبيبلطج ودم المصريين عنده رخيص
كلمة حق في وجه سلطة بنت تييييييييييييييت
يسقط محمد مرسي أو يقتلونا
هنيئاً لنا بالنصر أو الشهادة وصحبة الحسين وحمزة وخيرة الشهداء
خليهم هم بقى مع الأشكال القذرة التانية
حمدي الفخراني
No comments:
Post a Comment
Note: Only a member of this blog may post a comment.