شهادة طارق وجيه المصور فى المصرى اليوم عن ما حدث مع المغير ..
الموقف كالتالي:
الجريده كلفتني اني اصور الحواجز الرمليه والدشم اللى على مداخل الاعتصام..امن البوابات من الاخوان احدهم نادى عليا سالني جريدة ايه قولتله المصري اليوم قالى طب بعد اذنك ممكن نشوف الصور رفضت قالى طيب ممكن نروح المركز الاعلامي عشان يشوفوا نوعية الصور اللى صورتها قولتله طيب.
روحنا المركز الاعلامي قابلت احد الاشخاص المسؤولين في المركز الاعلامي مش متذكر اسمه طلب مني بكل هدوء امسح الصور بعد ماشافها..رفضت لانه مش من حقه وبعد جدال لعدة دقائق وافقت اني امسح الصور وعملت فورمات للكارت قدامهم.
لقيتهم بيطلبوا مني كارت الميموري بحجة اني ممكن استرجع الصور تاني قولتلهم دي ضمانتي اني مش هارجع حاجه وطلبتوا اني امسح الصور وده حصل..تاخدوا الكارت ده لايمكن حتى علقتوني في السقف ده عهده عليا واستحاله حد ياخده...واحد اقترح طب هات الكارت ونجيبلك واحد غيره رفضت..وكل ده وانا ماسح الصورر اصلا.
فجأه ظهر شخص باسلوب متهجم واتهمني انتو بتقتلونا وانتو وانتو وانتو.وصوته ابتدى يعلى جدا في القاعه ومش مديني فرصه اتكلم وادافع عن نفسي نهائي وابتدى يزق فيا وانا ماسك اعصابي.بعد ماخلص كلامه سقفتله وقولتله برافو..ماقدرتش بقى امسك نفسي..انا عارف رد فعلي كان غلط والنتيجه انهم دفعوني بقوه عالحائط وخبطو راسي في الحائط اذ فجأة ظهر احمد المغير وشد الكامير مني بعنف والناس ابتدت تحوش لحد ما اقنعوني اسيب الكاميرا وهايجيبوها تاني..سيبت الكاميرا ماشوفتهاش تاني.
قعدوني على كرسي طلبوا مني اني اهدى بعدها بثواني ظهر المغير تاني شدني من ايدي بطريقه همجيه وفضل يزق فيا بعنف وقالى امشي من هنا وسيب الكاميرا بدل ماتبقى انت والكاميرا وزقني بره القاعه جامد وقفل الباب..قمة الاهانه لما واحد يقولك انت معندكش كرامه انا طردتك الصبح وجيت تاني انت بتحب تتهزأ ؟؟!! دي شهادة حق احاسب عليها
امام الله
No comments:
Post a Comment
Note: Only a member of this blog may post a comment.