Saturday, July 4, 2015

حصرى بالصور والفيديو : الرئيس السيسى القائد الاعلي للقوات المسلحة بالزي العسكري من سيناء


"القائد الأعلى" في "الميدان" بـ "الزي العسكري" لتحية الجنود المرابطين بسيناء

أكد المكتب الإعلامى لرئاسة الجمهورية أن الرئيس عبد الفتاح السيسي حرص علي ارتداء الزي العسكري أثناء زيارته لشمال سيناء وذلك لتقديم التحية الواجبة لكل فرد من أفراد القوات المسلحة و لتأكيد تضامنه معهم. 

بالفيديو.. السيسى لرجال القوات المسلحة: "جئت لكم بالزى العسكرى احتراما وتقديرا لكم"

الرئيس خلال جولته اليوم

قال الرئيس عبد الفتاح السيسى خلال لقاء رجال القوات المسلحة فى شمال سيناء: "أنا جئت لكم بالزي العسكرى برسالة معينة تقديرا لكم.. واحتراما لكم.. فاسمحوا لى انى اوجه لكم التحية".

الرئيس السيسي في العريش

وأضاف السيسى: "الزيارة دي متاخرة كان مفروض انى اجيلك من بدرى اوى فارجو انكم تعذروني انى اتاخر واجى بعد اللى حصل.. واحيي التضحية والجهد والبطولة والعظمة بتاعت الجيش مش بس في تأمين سيناء ، الجيش المصري بكل تواضع بيقوم بدور عظيم جدا، والتاريخ هيتوقف كثيرا، وهيقول اد ايه الجيش المصري قدم عشان خاطر مصر".


السيسى: ما يقوم به الجيش سيسجله التاريخ.. وأقول للمصرين قواتكم يقظة

قال الرئيس عبد الفتاح السيسى، إن ما يقوم به الجيش منذ سنوات للحفاظ على مصر سيسجله التاريخ والتاريخ سيتوقف كثيرا امام بطولاته، الضباط والجنود اللى سنهم صغير هيشوفوا ده ونتائجه ان شاء الله خلال السنوات القادمة.

وأضاف خلال جولته فى العريش، للاطئمنان على القوات المسلحة والشرطة والأهالى: "حبيت انى اشكركم وميبقاش الشكر اللى بتسمعوه منى من الاعلام، انما انى اجى بنفسى اولا عاشن اطمن عليكم، وعشان نكون منصفين خلال 3 او 4 ايام اللى فاتوا كان مهم اوى نكون عارفين ايه الحكاية، اسمحوا لى ان الناس تعرف من هنا من العريش انهم يعرفوا حتى احنا مطمئنين كويس اوى وعايزين نطمن اهلنا المصريين نقولهم اطمئنوا تماما".

ووجه الرئيس كلمة للمصريين قائلاً: "لا تقلقوا وقواتكم يقظة على الحدود"، مضيفا: "الامور تحت السيطرة.. ومش كفاية".

وتابع: "كان فى مناسبة ممكن نربط بها الاحداث اللى حدثت الايام القليلة الماضية، مثل حادث استهداف النائب العام فى الوقت ده.. الشعب المصرى اللى خرج فى 30/6 عشان ياكد حضارته وعظمته ومطالبه، اهل الشر استهدفوا النائب العام عشان يقولوا للناس انتوا اتحركتوا يوم 30/6 فاحنا بنتحرك عشان نكتم صوتكوا، دى رسالتهم الاولى، اما الثانية، يتقال انتوا فى 3/7 اتحركتوا وغيرتوا النظام دينى فاشي، طب احنا بقى 2و3 /7 بنعلن ان فى ولاية اسلامية بمفهومهم يعنى فى سيناء، يعنى احنا هنفذ ده بالقوة دى الرسالة اللى بتتقدم، واللى ممكن شعب مصر يكون فاهمها وتلقاها كويس لكن عايز اقول للمصريين أن سيناء اللى احنا على ارضها 60 ألف كيلو متر مربع رفح والشيخ زويد والعريش ولا يمثلوا 5% من مساحتهم، الشيخ زويد ورفح لا يمثلوا من سيناء 2%، التفجيرات وترتيبها مكنش ترتيب جوا سيناء لو شفتوا الاخراج بتاع الموضوع الاعلام الاخر اخر الصورة بالشكل ده".

وبالحديث عن عقيدة القوات المسلحة المصرية، قال الرئيس السيسي: "هما عارفين ان الجيش المصرى عنده مبادئ وقيم.. وقول للمصريين والعالم انه لولا اننا نراعى القيم دى بان كان ممكن اى حد فى اى مساحة يتم تدميره باللى عليه كله، لاننا بنبقى حريصين على الا يتم استهداف المدنيين وبأكده عليكوا تانى وتالت ورابع، ورغم كل اللى بيحصل انه لازم نصر على الحفاظ على الشعب المصرى فى ظل ظروف صعبة".


القائد الاعلي للقوات المسلحة بالزي العسكري من سيناء

‏السيسي‬ يتهم وسائل اعلام داخلية وخارجية بدعم الارهابيين في هجمات الاربعاء الدامية ب‏مصر‬

السيسي: ماجرى في سيناء مرتب ومنظم والدليل على ذلك الإخراج الإعلامي لتلك الحادثة في الداخل والخارج

السيسي: أقول للمصريين والعالم إن القوات المسلحة تراعي القيم والمبادئ حتى في أصعب الأوقات ولايستهدف المدنيين

السيسى: قواتنا فى سيناء 1% من الجيش.. ومحدش هيقدر يفرض على المصريين حاجة

الرئيس السيسي خلال كلمته

وعلق الرئيس عبد الفتاح السيسى على مطامع الإرهابيين فى سيناء، بالقول: "بيقولوا بالقوة هنستطيع نحقق.. وأنا بقول لهم إن شاء الله لا يمكن حد يستطيع أن يفرض على المصريين حاجة هم مش عايزينها، لا يمكن فى وجود الجيش المصرى حد يقدر يوصل للمصريين".

وأضاف الرئيس فى كلمته، للشعب المصرى من شمال سيناء، أثناء تفقده لقوات الجيش والشرطة هناك اليوم، السبت: "حجم القوات اللى موجود فى سيناء 1% من جيش مصر، والقوات الجوية اللى بتتدخل وتدعم عمل القوات ده برضو 1%..الجيش قادر على عمل قد اللى حصل ده الف مرة، ينهيه ويصفيه".

وأشار الرئيس إلى أن "التفجيرات أعلم أنها لا تشكل بالنسبة لكم حدث كبير أوى، وهيتم تصفيتهم، وعلى آخر النهار تم فعلاً التعامل مع الهجمات والتخطيط ده بالشكل المخطط والمنظم".

وتابع الرئيس: "صحيح سقط مننا شهداء وكمان مصابين لكن دى المهمة الوطنية والشريفة والمخلصة اللى بيقوم بها الجيش لحماية ارضه وشعبه، ولا يمكن تتم المهمة الا بتمن، بيقدمه كل بيت مصرى..الشعب المصرى من خلالكم بيقدم تمن الدفاع والحفاظ على بلدنا".

ووجه السيسى باسمه وباسم مصر وباسم القوات جميعاً لكل بيت مصرى قدم شهيد او مصاب التحية، مضيفاً: "وده تمن للحفاظ على مصر، وبقول للمصريين متتصوروش حجم الخسائر لأبناءكم أبناء الجيش اللى غير ما تتصور عدد أهل الشر اللى قاموا بالعمل ده يوم الأربعاء اللى فات، فعلا مش أقل من 200 فرد".


السيسى يقف دقيقة حدادا على أرواح الشهداء خلال لقاء القوات بشمال سيناء

وقف الرئيس عبد الفتاح السيىسى، وضباط وجنود القوات المسلحة دقيقة حدادا على أرواح شهداء القوات المسلحة الذين استشهدوا خلال مواجهتهم للعناصر التكفيرية بسيناء.

وحرص الرئيس عبد الفتاح السيسى، على ارتداء الزى العسكرى، أثناء تفقده صباح اليوم السبت، رجال القوات المسلحة والشرطة المدنية بشمال سيناء.

السيسى: الحروب القادمة تستهدف الإعلام والإرادة الوطنية


الرئيس عبد الفتاح السيسي بالزي العسكري في سيناء

أكد المتحدث العسكري في بيان له قبل قليل، أن الرئيس عبدالفتاح السيسى، القائد الأعلى للقوات المسلحة، تفقد عناصر القوات المسلحة والشرطة المدنية العاملة بشمال سيناء. 

كما ظهرت على بدلة الرئيس العسكرية فى أول مرة، لافتة مكتوب عليها "الرئيس عبد الفتاح السيسى - القائد الأعلى للقوات المسلحة".

البدلة العسكرية للرئيس عبد الفتاح السيسى

وقال: إن "القائد الأعلى" أدى التحية العسكرية لأبطال القوات المسلحة لما يبذلونه من تضحيات من أجل شعب مصر العظيم، وأن "القائد الأعلى" قال في حديثه للضبط والجنود إن الجيش المصرى يقوم بدور عظيم والتاريخ سيتوقف طويلاً لتسجيل ما قام به أبطال القوات المسلحة. 

وأضاف المتحدث العسكري: أن "القائد الأعلى" قال "حضرت لتقديم التحية لأبطال القوات المسلحة تقديراً لهم، ثقة الشعب فى قواته المسلحة لا حدود لها، أقدم التحية لكل بيت وأم مصرية قدمت شهيدًا أو مصابًا من أجل مصر".


القائد الأعلى يتحدث بـ"الزي العسكري" من سيناء: التاريخ سيتوقف طويلًا لتسجيل تضحيات الجيش المصري

الرئيس يحذر بـ"الزي العسكري": الجيش لن يفرط فى ذرة من تراب مصر

وألقى الرئيس عبد الفتاح السيسي، كلمة لضباط وجنود القوات المسلحة في سيناء، مرتديًا الزي العسكري، مشيدا فيها بدور القوات المسلحة فى التصدى للهجمات الإرهابية التى تتعرض لها مصر. 

وأكد الرئيس السيسي أن مصر لن تفرط فى ذرة رمال من تراب مصر.


وقال الرئيس عبد الفتاح السيسى، إن مصر تواجه الجيل الخامس من الحروب الذى يستهدف الإعلام والإرادة الوطنية، مضيفًا: "حد عايز يهز إرادة المصريين بشدة فبيستخدم الوسائل دى، وأرجو أنكم مشغولين فى المهام بتاعتكم دلوقتى، لكن علينا أننا نوريهم كيف تم تناول المساءلة إزاى والإعلام اشتغل إزاى عشان يقدم صورة غير حقيقية عن مصر من عدم استقرار، وبعيدها وباكدها التأثير فى إرادة المصريين، بعد سنتين هو أحنا مكناش عارفين إن ده هيكون وهيستمر معانا والشعب المصرى عارف ومستعد أنه يجابه ويدفع التمن من خلال ولاد مصر اللى هما الجيش والشرطة".

الرئيس خلال جولته اليوم

وتابع خلال كلمته أمام القوات المسلحة فى شمال سيناء: "جيش مصر خلال الـ48 ساعة اللى فاتوا أبطل وأحبط مخطط كبير أوى وبصراحة هما مكنوش متصورين أن بالسرعة دى هتحسموا الموقف ويسقط المئات اللى هما سقطوا خلال الساعات يوم الأربعاء الماضى، حاجة جميلة واشعلتنا، العالم المحيط بينا واللى أحنا بنؤثر فيه وبنتاثر بيه، فهمه وتعامله مع الإرهاب اختلف كتير أوى وكمان ده انعكس على علاقاتنا بالعالم كله والكل أيقن أن مصر هى عماد أمن واستقرار المنطقة كل الدنيا عرفت كده خلاص وأيقنت أن ده يمثل دعامة حقيقة للأمن والاستقرار فى المنطقة ويمكن يكون فى العالم كله، حتى خطابنا وأيقنوا أن مصر تقوم بدور حضارى وإنسانى وأخلاقى ودينى فى ظل ظروف صعبة جدا".

ووجه الرئيس السيسى، الشكر للمرة الثانية للقوات المسلحة وأجهزة الدولة كلها، مؤكدًا "إن شاء الله مطمئنين على الواقع بفضل الله سبحانه وتعالى، احنا ماشيين كويس اوى الحمدلله، وبقول لكم انتوا خلوا بالكوا اوى هنا وفى كل حته، لأن أهل الشر عايزين يأذونا، ومش هيقدروا وأنا ديما بقول مش هيقدروا لأنه ثقة فى الله سبحانه وتعالى قبل كل شىء ونهدف إلى البناء والتعمير والأمن والاستقرار".


وأوضح السيسى "أنا جئت تكريم ليكم، وآخر كلمة بقولها لكم مصر وشعبها متعلقة فى رقابكتم وإن شاء الله محفوظين".

كما وجه الشكر لأهالى سيناء لأنهم يقفون مع الجيش المصرى.. وتابع: "على القوات المسلحة التخفيف عنهم بقدر الإمكان ولو فى أى حاجة مطلوبة فى هذا المجال من فضلتكم نتحرك فيها بأسرع ما يمكن".