دي مش قضية شخصية دي قضية عقيدة عند الداخلية لازم تتغير

كانت تلك كلمات المحامي / احمد مصطفى احمد حسين ابن مركز ابنوب محافظة اسيوط الملفق له تهم منها إتجار مخدرات و مقاومة سلطات و الجنحة ضربظابط شرطة هو الرائد/ خالد حسام معاون مباحث مركز شرطة ابنوب محافظة اسيوط

تبدأ الواقعة يوم الاحد 4 نوفمبر بعد صلاة العشاء حينما فوجئ هو و اصدقائه المتواجدين في مكتب المحاماة الخاص به باقتحام الرائد خالد حسام و قوته

ايه يا أفندم فيه ايه خير دة مكتب محاماة ازاي حضرتك تخش بالطريقة دي ؟

انا معايا اذن من النيابة بالقبض على اخوك , يا افندم اخويا مين دة مكتب محاماة لما حضرتك تقتحمه لازم يكون معاك اذن من النيابة ومعاك شخص من النيابة العامة و عضو من مجلس النقابة

قاله انت هتتفلسف عليا ب** *** قاله خليك محترم دي قلة ادب اللي حضرتك بتتكلم بيها

راح ضاربه بالقلم و المحامي رد القلم للظابط

اصدقائه اتدخلوا واثبتوله انه محامي قالهم انا هعلمه الادب و حياة امي هربيه ازاي يمد ايده على ظابط شرطة قالوله انت اللي بدأت قال انا ظااااابط!

يا افندم احنا في ثورة مفيش الكلام دة

هاتك يا ضرب و شتيمة

الظابط واخده ونازل اهل المنطقة اتلموا فيه ايه قالهم وحياة امي لأعرفه يعني ايه يمد ايده على ظابط و الله لألفقله كل انواع القضايا اللي في مصر

خده القسم يوم الاحد بعد صلاة العشاء حطه في اوضة في القسم و شتيمة و تهزيء ليه و للمحامين و للثورة و ضرب من اللي مش بيعلم وعزله عن العالم

يوم الاثنين جه الظابط و معاه مخبرين كتير طلبوا منه انه يقلع البنطلون رفض فقلعوه بالعافية و سابوه في الاوضة

اتعرض على النيابة يوم الثلاثاء الصبح فوجئ بالتهم الموجهة اليه تجارة مخدرات و مقاومة سلطات و جنحة ضرب

يتعرض المحامي احمد مصطفى احمد حسين للضغط من قبل ظباط المركز للتنازل عن التقرير الطبي و الجنح اللي عملها للظابط

تفاصيل قضية احمد يتحدث عنها في مقطع الفيديو التالي