اشتباكات بين طلاب ألتراس الأهلى والمصرى بجامعة بورسعيد
نشبت ظهر اليوم الأربعاء، اشتباكات بين طلاب مدينة العبد الجامعية ببور فؤاد المنتمين لأولتراس أهلاوى، وأولتراس المصرى، بسبب تبادل الشعارات المسيئة بين جماهير الناديين.
تبادل الطرفان التراشق بزجاجات المولوتوف الحارقة، والقذف بالحجارة من أعلى أسطح ومبانى مدينة العبد الجامعية ببور فؤاد، الأمر الذى دفع الأجهزة الأمنية لمحاصرة المنطقة وإطلاق الغاز المسيل للدموع.
ومازالت الاشتباكات مستمرة حتى الآن، مع تدفق قوات الأمن المركزى والمدرعات لاحتواء الأزمة.
مجموعة من دمياط تابعين لألتراس اهلاوي نزلوا بورسعيد شطبوا على 26 جرافيتى لاولتراس جرين ايجيلز التى يطالبو فيها بمحاكمات عادله ونزلوا بوستات وصور أهانة وأستفزاز فى جروبات وصفحات مختلفه انهم لم يجدو رجال فى بورسعيد وانهم علموا على البورسعيديه فى بلدهم ..ثار شباب الجرين ايجيلز وحضروا لياخدوا حقهم وبدء الضرب الخرطوش وطوب ومولتوف والشباب من المدينه وأصيب بعض المارة فوق السطح وبيبنوا حاجز
وتلك هى شهاده أحد أعضاء الجرين إيجليز عن أحداث بورسعيد اليوم
توضيح بسيط والحوار كامل
يا جماعه الي حصل وانا هعرفه ليكم بالتفاصيل لان مش هنحتاج نكدب لان دي بلدنا واحنا صحاب حق ومش بنخاف من حد
اولا التراس اهلاوي الي بيتمثل في شباب بيتعلموا في بلدنا ومغتربين وشباب من دمياط مقيمين هنا قامو بضرب بنات بورسعيد وشبابها امبارح والاسبوع الماضي ودا فيديو يوضحلكم الموضوع وتعرضهم ليهم اكثر من مره
من امام معهد حاسب الي بدمياط وشتيمة في بورسعيد وكلام كتير سكتنا ومتكلمناش وقولنا احنا احسن واعقل منهم وصل بيهم الحال انهم وهما بيتعلموا في بورسعيد وقاعدين في بلدنا ومعتبرينهم ضيوف نزلوا بليل سرقو كل اللافتات الي احنا رفعنها في البلد مسانده لاخواتنا وشتمونا وشتمو البورسعيديه في شارع 23 وكتبو بلد الباله مجبتش رجاله وده تفصيل للموضوع برده الي هما رفعوه ومصر كلها رفعته
ودا برده الخبر الي هما دخلوهم بورسعيد ومتصورين وهما اخدين اليفط وبيشطبوا علي مساندتنا لاخوتنا المهم احنا عرفنا بعد كل دا ان هما من مدينة الطلبه ببورفؤاد روحنا ووقفنا مع مدير المكان والمسؤولين واستاذناهم ان الي بيحصل ده اهانه في البلد فوجئنا ان علي جميع البلكونات بتاعتهم مكتوب فيها شتيمه في البلد واقذر مما تتخيلوا
فالموضوع عصبنا واتحمسنا فهددناه لو الحاجه متمسحتش محدش هيقدر يلومنا وكنا 10 افراد في نفس اللحظه الي كان مساندنا اهالي الناس المضروبه في دمياط والناس المضروره من عربيات وبنات وشباب في كليتهم في دمياط واتفقنا باحترام اننا حقنا المشروع اننا نساند صحابنا
واتفقنا اننا نطلع اتنين من وسطنا يمسحو الكلام احتراماً للبلد الي هما فيها فوجئنا بعد مصحبنا فوق ان كل شباب المدينه المنتمين للاهلي طلعوا فوق السطح وهددوا برمي صحابنا وغدرونا وضربو علينا طوب من فوق في وسط مرئى ومسمع كل من هو بورسعيدي من شباب بورسعيد وبورفؤاد الي الموضوع مش عاجبهم فوجئنا انهم رفعو علم الاهلي وبيهتفوا هتاف معادي لبورسعيد وهو الي خرج الجميع عن شعوره
هما ضربوا الشرطه واحنا ردينا عليهم بس انا عايز اوضح نقطه ومش هتكلم بعدها تاني احنا انسحبنا مع اننا كشعب بورسعيد اقسم بالله كان في ايدينا نموتهم كلهم بس حبينا نوضح للناس مين الغلطان واننا بورسعيد بلد الرجاله واننا مش بنخاف من حد وحبينا نوريهم رساله اننا مش هنقبل بالظلم واقسم بالله دا الموضوع كامل بالتفاصيل وكل من كان هناك شاهد علينا اننا معنا حق وهما مستفزين جدا جدا ... وبورسعيد فوق الجميع واي حد مش هيحترمها مش هنحترمه ودا تحذير ...
وهذا ما كتب على صفحاتهم
بالصور: اولتراس اهلاوى يتقمص دور بابا نويل فى بورسعيد ويبدأ السنه باولى هداياه لابو العربى
ذهبت مجموعه من شباب اولتراس اهلاوى من محافظة دمياط الى محافظة بورسعيد حيث تم مسح 26 جرافيتى خاصه باولتراس المحافظه وكتابة UA بدلا منها
لتكون تلك اولى هدايا العام من اولتراس الاهلى لمن يهمه الامر ببورسعيد
غريبا ان يتم كل هذا وسط صمت تام من اولتراس جرين ايجلز ولكن يبدو انهم مشغولون فى اشياء اخرى او انهم يحتفلون برأس السنه .
وبعد أن تم فض الاشتباكات وهروب بعض من المعتدين الذين حضروا من دمياط ولجأوا الى بعض المنازل فقام الأهالى بحمايتهم من فتك الشباب وبعض الاهالى الاخرين بهم لحين نقلهم خارج البلاد وأشترط عليهم الأهالى أن لا يحملون معهم أى شىء سواء عصى أو أى شىء يثير غضب الشباب أو السكان وهم كفيلون بحمايتهم طالما هم مسالمين وأفهموهم بأن ما قاموا به من أعتداء خطأ ولن يزيد الاوضاع الا اشتعالا وبأن البلد يكفيها ما فيها ولا تحتاج لكل هذا العنف وبأن الدم حرام بسبب لعبة أو لاى سبب وعنفوهم بأنهم جاؤوا من دمياط للأعتداء على زملاء لهم والفتيات ومدينة بورفؤاد بدون وجه حق وهم قلة قليلة سهل جدا أن تثور المدينة كلها عليهم بما قعلوا ويكون الوضع خطيرا وبأن ذلك نتيجة تعصب أعمى لن يقود الا الى الدم لأن الأهالى والطلبة وادارة الجامعة وحتى المارة والسكان بالمدينة لن يتركوهم أو يسكتوا لهم عندما يعتدون على طلبة ومارة وسكان ليس لهم زنب فى كل هذا الغباء والاعتداءات بل ومنهم من لا يعلم عن كرة القدم أو غيرها شيئا على الاطلاق ولا يحبوها من الاساس أو مشجعين لها وأنصرف البعض من ألتراس أهلاوى بصحبة البعض لخارج المدينة ومنهم من هو مازال هناك..وللحديث بقية
No comments:
Post a Comment
Note: Only a member of this blog may post a comment.