العدوان الثلاثى

العــــــدوان الثلاثـــــــي ...@

تجهيز الجيش الاسرائيلى لعمليات عسكريه فى سينا فى حرب العدوان الثلاثى

العدوان الثلاثى



تجهيز الجيش الاسرائيلى لعمليات عسكريه فى سينا فى حرب العدوان الثلاثى

العدوان الثلاثى او أزمة السويس دا اسم الحرب اللى قامت ما بين مصر من جهة و ما بين بريطانيا و فرنسا و اسرائيل فى سنة 

1956. و كانت اسبابها تأميم جمال عبد الناصر لقناة السويس و دعم مصر لثوره الجزاير اللى كانت ضد فرنسا.الحرب دى كمان 

معروفه بحرب 1956 و ازمة السويس.

اسباب الحرب

الحرب قامت لكذا سبب من ضمنهم :

1. تأميم جمال عبد الناصر لقناة السويس و اللى حصل فى يوم 26 يوليه 1956 ودا اللى منع الانجليز و الفرنساويه و غيرهم من 

الربح من القناة اللى كانوا بيدروها و بيتحكموا فيها,التأميم حصل بعد سحب عرض من بريطانيا والولايات المتحدة لتمويل بنا السد 

العالى فى اسوان كرد على اعتراف مصر بجمهورية الصين الشعبية خلال ارتفاع حدة التوتر بين الصين و تايوان .[1]

2. توقيع مصر اتفاقيه سلاح مع الاتحاد السوفييتى , واللى كان بيزود جيش مصر باسلحه متطوره عشان يحارب اسرائيل بعد ما 

رفضت اغلب الدول الكبيره بقيادة امريكا بيع الاسلحه لمصر.
3. دعم مصر و مساعدتها للثوار الجزائريين اللى كانوا عاملين ثوره على الفرنساويين و بيطالبوا باستقلال الجزاير من فرنسا

4. اسرائيل كانت عايزه تأمن نفسها من مصر و تتوسع.


خدعة الحرب

الحرب دى اتعملت فيها خدعه كبيره بعد اتفاقيات سريه ما بين انجلترا و فرنسا و اسرائيل. الإتفاق ان اسرائيل تهجم على سينا و 

لما تتصدى ليها مصر تتدخل انجلترا و فرنسا و ينزلوا قوات فى منطقة قناة السويس و يحاصروا الجيش المصرى فى سينا. و ده 

اللى حصل ، شنت اسرائيل عدوان على سينا و قامت حرب فأصدرت انجلترا و فرنسا بيان انذارى بيطالبوا فيه بوقف الحرب ( اللى 

هما الاتنين متفقين عليها مع اسرائيل ) و انسحاب الجيش المصرى و الجيش الاسرائيلى لمسافة 10 كم على ضفتين قناة السويس ، 

و ده كان معناه ان اسرائيل تحتل سينا و مصر تفقد السيطره على قناة السويس و كمان عليها 10 كم من اراضيها على الضفه 

الغربيه من القناه. زى ما اتوقعوا رفضت مصر الانسحاب فنزلت القوات الانجليزيه و الفرنساويه فى بور سعيد و منطقة قناة 

السويس لكن الجيش المصرى ما اتحاصرش لإنه انسحب. هاجت الدنيا و كان واضح لكل العالم ان الموضوع مؤامره ضخمه. وقفت 

اغلبية دول العالم فى صف مصر ، و اصدر الاتحاد السوفيتى انذار بإنه حا يضرب لندن و باريس بالصواريخ الذريه و امرت امريكا 

انجلترا و فرنسا بالانسحاب الفورى من الأراضى المصريه. و انتهت الحرب بفضيحه كبرى و خرجت مصر عبد الناصر منتصره 

نصر سياسى كبير.

اسباب فشل الحرب و احتلال مصر

فشل الخطه كان لكذا سبب ، من ضمنهم :

1. معارضة الاتحاد السوفييتى حليف مصر , وتهديده بالتدخل العسكرى لمساعدة المصريين و ضرب لندن و باريس بالسلاح 

النووى.
2. معارضة امريكا وطلبها للقوات البريطانيه و الفرنسيه و الاسرائيلية بالانسحاب بسبب تهديد السوفييت بتحويل الحرب البارده , 

اللى كانت موجوده, لحرب عالميه.

3. معارضه و رفض الامم المتحده الهجوم على مصر وتهديدهم بفرض عقوبات على الدول التلاته.

4. وقوف مجموعه من دول العالم التالت جنب مصر.



نتايج الحرب

1. انسحاب القوات البريطانيه والفرنسيه من بورسعيد في 23 ديسمبر 1956م، وعشان كدا بتحفل بورسعيد باليوم دا

2. انسحاب اسرائيل من سيناء في اوائل 1957م، و انسحابها من قطاع غزة اللى سيطرت عليه مصر.

3. وضع قوات طوارىء دوليه بين حدود مصر واسرائيل

4. زيادة شعبيه جمال عبد الناصر فى مصر و الشرق الاوسط

5. اتحطت قوات طوارئ دولية على الحدود المشتركة بين مصر وإسرائيل

6. السماح لإسرائيل بالعبور فى خليج تيران